Radardan joǵalyp ketken MıG-29 joıǵyshynyń ushqyshy tiri tabyldy
ASTANA. QazAqparat - Ortalyq Polshada konar kezde radardan joǵalyp ketken MıG-29 joıǵyshynyń ushqyshy tiri tabyldy. Bul týraly dúısenbi kúni Polsha telearnasynyń efırinde respýblıka qorǵanys mınıstriniń orynbasary Bartosh Kovnatskıı málim etti, dep habarlaıdy TASS .
«Sizderdi tynyshtandyrǵym keledi, ushqysh katapýlt jasaǵan, ol tabyldy, gospıtalǵa jetkizildi», - dedi Kovnatskıı. Biraq ushqyshtyń qandaı jaǵdaıda ekendigin aıtqan joq. Belgilisi, ushaq bortynda ol jalǵyz bolǵan.
Polsha qarýly kúshteriniń Bas qolbasshysy baspasóz hatshysynyń aqparatyna qaraǵanda, ushaq radardan jergilikti ýaqyt boıynsha shamamen 17:00-de joǵalyp ketken.
Ol Mınsk- Mazovetskıı qalasyndaǵy áskerı aerodromǵa qonýy tıis bolǵan. Biraq qonar sátte ushqyshpen baılanys úzilgen. Ushaqty izdeý jumystary jalǵasýda. Oǵan ásker men órt sóndirýshiler, polıtseıler men ormanshylar jumyldyryldy.
