Radardan joǵalyp ketken Alıaska ushaǵy apatqa ushyrady: borttaǵynyń bári qaza tapty
ASTANA. KAZINFORM — Berıng Eır ushaǵy beısenbi kúni Alıaska ústinde radar ekranynan joǵalyp ketti. On adam qaza tapty, dep habarlaıdy TASS.
Associated Press agenttigi AQSh jaǵalaý kúzetine silteme jasap, ushaq apaty týraly málimdedi.
Oqıǵanyń sebepteri áli jarııalanǵan joq. Ýnalakletten Nome baǵytynda ushqan ushaqta toǵyz jolaýshy men ushqysh bolǵan. Amerıkalyq NBC telekompanııasy óz kezeginde ushaqtyń Nome qalasynan ońtústik-shyǵysqa qaraı 34 mılde (54,7 km) tabylǵanyn aıtty.
Buǵan deıin Alıaska bıligi joǵalǵan ushaqty izdep jatqany jazǵan bolatyn.
Aıta keteıik, bul - eki aptadan az ýaqyt ishinde AQSh-taǵy úshinshi aýyr áýe apaty.
Eske salaıyq, qańtar aıynyń sońynda Vashıngton mańyndaǵy Ronald Reıgan áýejaıynyń mańynda jolaýshylar ushaǵy men tikushaq aýada soqtyǵysyp, Potomak ózenine qulaǵan bolatyn. Saldarynan 67 adam qaza tapty.
Aqpan aıynyń basynda Fıladelfııanyń soltústik-shyǵysynda medıtsınalyq evakýatsııa ushaǵy áýege kóterilgennen keıin kóp uzamaı apatqa ushyrady. Borttaǵy alty adam men jerde kóliktegi bir adam túgel qaza tapty.
QazAqparatqa arnaıy TASS seriktes agenttigi usynǵan.