Race Nation Burabay kedergilermen jarysy ótedi - Aqmola oblysy
KÓKShETAÝ. QazAqparat - Aqmola oblysynyń Şýche qalasynda Race Nation Burabay kedergilermen jarysy ótedi, dep habarlaıdy QazAqparat tilshisi «Visit Aqmola» týrıstik aqparattyq ortalyǵyna silteme jasap.
Elimizde alǵash ret 2016 jyly Almatyda ótken jarys geografııasyn keńeıtip, «Şýche-Býrabaı» kýrortty aımaǵynda uıymdastyrylmaq.
Jarys qyrkúıektiń 30-y saǵat 13:00-de kýrortty aımaqtyń eń əsem sporttyq nysandarynyń biri - Şýchedegi shańǵy-tramplın bazasynda ótedi.
«Bul jolǵy Race Nation Burabay jarysyna 500-ge jýyq adam qatysady dep kútilýde. Qatysýshylar túrli kedergilermen júgirip, tózimdilikterin synap kóredi. Kýrortty óńirdiń saf aýasy men əsem tabıǵatty qatysýshylarǵa kúsh - jiger berse zamanǵy sporttyq nysandaǵy jaılylyq jarystyń tartysty ótetinine kepil bolmaq», - deıdi Race Nation Burabay sport dırektory Tımýr Artıýhın.
Jarys Aqmola oblysy əkimdiginiń qoldaýy jəne oblystyq týrızm basqarmasynyń tapsyrysy boıynsha «Ekstremaldy Atletıka» qoǵamdyq birlestiginiń kəsipqoı komandalarynyń uıymdastyrýymen ótedi.
Jarys jolyn salýǵa kəsibı sportshylar men elıtaly arnaıy əskerı bólimshelerdiń sarapshylary tartyldy.
Race Nation qurý úshin osyndaı jarystardy jıi ótkizetin Tough Mudder (AQSh), Super Hero (AQSh), MUD RUN (AQSh), The Color Run (AQSh), Tru Grit (Avstralııa) elderdiń təjirıbeleri zertteldi. Batys elderinde mundaı jarystarǵa mıllıonǵa jýyq adam qatysady.
«Uzyndyǵy 5 shaqyrym jarys jolynda 17 kedergi bar. Qolmen júrý, saz balshyq vannasy, rampa, aýyrlyqqa tózý jəne tikenekti sym sııaqty kedergiler deneniń múmkindiginshe jumys isteýine məjbúrleıdi», -deıdi Tımýr Artıýhın.
Qatysýshylardyń naqty sany qyrkúıektiń 27-nen keıin tirkeý ýaqyty aıaqtalǵan soń ǵana belgili bolady.
Aıta keteıik, Race Nation, nemese «Ult jarysy» - oıly-qyrly jerde jasandy kedergilermen júgirý jarysy.
Kúsh júgirisi (5+ km jáne 17-den astam kedergi) kiredi. Jarys Open, Team jəne Elite sanattary boıynsha ótedi. Open, Team jəne Elite júgirisine - eń jaqsy daıyndalǵan, kásibı jáne jartylaı kásibı sportshylar qatysady. Open júgirisine - ortasha jáne bastapqy daıyndyq deńgeıindegi sportshylar qatysady. Team júgirisi - komandalyq júgiris. Team úlgisinde máre komandanyń sońǵy qatysýshysy boıynsha esepteldi. Elite básekesine kásibı jəne jartylaı kásibı sportshylar kiredi.
