Race Nation Burabay: 500-ge jýyq adam kedergi arqyly júgirip, kúsh synasty
KÓKShETAÝ. QazAqparat - Aqmola oblysynyń Býrabaı aýdanynda kedergimen júgirýshilerdiń Race Nation Burabay jarysy ótti, dep habarlaıdy QazAqparat tilshisi.
Jarys Aqmola oblysy əkimdigi týrızm basqarmasynyń qoldaýymen elimizdegi eń əsem sporttyq nysandardyń biri - Şýchınsk shańǵy-tramplın kesheninde ótti. Uıymdastyrýshy - «Ekstremaldy Atletıka» qoǵamdyq birlestiginiń kəsipqoı komandalary. Şýchınskide osymen eki jyl qatarynan ótkizilip otyrǵan jarystyń ashylýyna Aqmola oblysy ákiminiń orynbasary Marat Iǵalıev qatysyp, sportshylarǵa səttilik tiledi. Qatysýshylar túrli kedergiler arqyly júgirip, tózimin synap kórdi.
«Qatysýshylar uzyndyǵy 5 shaqyrymdyq jarys jolynda 24 kedergiden ótti. Atap aıtqanda, qolmen júrý, saz balshyq vannasy, rampa, aýyrlyqqa tózý jəne tikenekti sym sııaqty kedergilerdi baǵyndyrdy», - dedi Race Nation Burabay jarysynyń bas tóreshi Tımýr Artıýhın.
Halyqaralyq jarysqa 10 komanda, 500-ge jýyq adam qatysyp, Open, Team jəne Elite sanattary boıynsha kúsh synasty. Olardyń arasynda Qazaqstan, Reseı, Tájikstan, Qyrǵyzstan, Túrkııa jáne AQSh sııaqty onǵa jýyq eldiń ókilderi bar. Budan bólek jarysty uıymdastyrýǵa 100-ge jýyq erikti qatysty.
Aıta keteıik, Race Nation nemese «Ult jarysy» - oıly-qyrly jerde jasandy kedergilermen júgirý jarysy. Kúsh júgirisi (5+ km jáne 24 kedergi) kiredi. Jarys Open, Team jəne Elite sanattary boıynsha ótedi. Open, Team jəne Elite júgirisine eń jaqsy daıyndalǵan, kásibı jáne jartylaı kásibı sportshylar qatysady. Open júgirisine ortasha jáne bastapqy daıyndyq deńgeıindegi sportshylar qatysady. Team júgirisi - komandalyq júgiris. Team úlgisinde máre komandanyń sońǵy qatysýshysy boıynsha esepteldi. Elite básekesine kásibı jəne jartylaı kásibı sportshylar kiredi.
Bul jolǵy jarystyń jeńimpazdary Almatyda ótetin kezeńde baq synaıdy. Sonda jeńiske jetkender Kıevte ótetin əlem chempıonatynda el namysyn qorǵaıdy.
