Іri salyq tóleýshilerge monıtorıng júıesiz júrgiziledi — Álıhan Smaıylov
ASTANA. KAZINFORM — 2024 jyly kirister boıynsha boljam bastapqyda bekitilgen jospardan 2 trln teńgege tómendetildi. Bul týraly Joǵary aýdıtorlyq palatanyń tóraǵasy Álıhan Smaıylov málim etti.
— Byltyr sáýirde memlekettik josparlaý júıesi jańartyldy. Alaıda ortalyq memlekettik organdar damý josparyn ýaqytyly beıimdeı almady. Saldarynan memlekettik organdardyń damý josparynyń 7 negizgi ulttyq ındıkatoryna jáne 20 nysanaly ındıkatoryna qol jetkizilmedi. 2024 jylǵy kiris boıynsha boljam bastapqyda bekitilgen jospardan 2 trln teńgege tómendetildi. Biraq, naqtylanǵan jospar da 609 mlrd teńgege oryndalmaǵan, — dedi Álıhan Smaıylov Májilistiń jalpy otyrysynda.
Joǵary aýdıtorlyq palata basshysynyń málimetinshe, salyqtyq tekserýler sanynyń artqanyna qaramastan, óndirip alý paıyzy eki eseden asa tómendedi.
— 249 iri salyq tóleýshige monıtorıng júıesiz júrgiziledi. Nátıjesinde qosymsha eseptelgen soma nebári 643 mln teńgeni nemese iri salyq tóleýshilerden túsken túsimderdiń 0,01%-yn ǵana qurady. Jalpy 2024 jyly salyq jınaý kólemi 2023 jylmen salystyrǵanda 4,7% tómendegen, — dep tolyqtyrdy Álıhan Smaıylov.
Aıta ketelik Álıhan Smaıylov ıýıýdjetke 135 mlrd teńge qaıtarylǵany jóninde esep bergen edi.
Sonymen qatar Joǵary aýdıtorlyq palatasynyń tóraǵasy Májilistiń jalpy otyrysynda farmatsevtıka salasynda ǵylymı zertteýlerdiń nátıjeliligi tómen ekenin aıtty.