R.Otynbaeva qarýly shabýyl jasaýshylarǵa oq atýǵa ruqsat berdi - Qyrǵyzstan
ASTANA. Sáýirdiń 21-i. QazAqparat - Qyrǵyzstannyń ýaqytsha úkimeti Bishkek túbindegi qandy oqıǵalardan keıin quqyq tártibin qamtamasyz etý jónindegi shuǵyl sharalar qabyldady,
dep habarlaıdy RBK agenttigi.
«Qyrǵyzstanda qoǵamdyq tártipti jáne azamattardyń qaýipsizdigin qamtamasyz etý úshin biz jetkilikti kúsh pen quralǵa ıemiz», - delingen Qyrǵyzstannyń ýaqytsha úkimetiniń basshysy Roza Otynbaevanyń málimdemesinde.
«Azamattarǵa, olardyń úıleri men jeke menshikterine qarýly shabýyldar jasalǵan jaǵdaıda, olardyń ómiri men densaýlyqtaryna qastandyq jasalǵan jaǵdaıda, sondaı-aq azamattyq jáne áskerı nysandarǵa shabýyl jasalǵan jaǵdaıda, quqyq qorǵaý organdary Zańǵa sáıkes, oq atatyn bolady», - dep atap kórsetti R.Otynbaeva.
Ol sondaı-aq óz málimdemesinde, Qyrǵyzstannyń barlyq azamattaryn «sabyrlyq saqtaýǵa, kez-kelgen arandatýshylyqtyń jolyn kesýge, qoǵamdyq tynyshtyq pen ulysaralyq kelisimdi buzýǵa talpynyp otyrǵan kúshterge qarsylyq kórsetýge» shaqyrdy.
Sáýirdiń 19-ynda Bishkek túbindegi Maevka selosynda oryn alǵan tártipsizdikterdiń saldarynan bes adam qaza bolyp, 28 adamnyń jaralanǵanyn álemdik buqaralyq aqparat quraldary buǵan deıin habarlaǵan bolatyn.
