R.Otynbaeva BAQ ókilderine Qyrǵyzstandaǵy jaǵdaı týraly habardar etti
BІShKEK. Maýsymnyń 15-i. QazAqparat /Evgenıı Novıkov/ - Búgin Jogorký Kenesh (Qyrǵyzstan parlamenti) ǵımaratynda ótpeli kezeńdegi QR prezıdenti, ýaqytsha úkimet tóraıymy R.Otynbaeva baspasóz máslıhatyn ótkizdi.
Shara barysynda R.Otynbaeva eldegi aǵymdaǵy jaǵdaı, eldiń ońtústigindegi jaǵdaıdy turaqtandyrý jóninde ýaqytsha úkimet qolǵa alyp jatqan sharalar, sondaı-aq UQShU múshe-memleketteri basshylarymen QR ońtústik oblystaryndaǵy jaǵdaıdy retteýdegi ózara is-qımyl nátıjeleri týraly habardar etti.
Eldiń ońtústigindegi jaǵdaı birte-birte qalypqa túsip kele jatqany atap ótildi. Tártipsizdikti uıymdastyrýǵa qatysy bar degen kúdikti birqatar adamdar ustalǵan. Osh jáne Jalalabad oblystaryna ultaralyq janjalǵa soqtyrǵan tártipsizdikterdi uıymdastyrý jáne qatysý faktileri boıynsha tergeý amaldaryn júrgizý úshin jedel-tergeý toptary ushyp shyqty.
Halyqaralyq qoǵamdastyqtyń eldegi qaıǵyly oqıǵaǵa ún qatýyna qatysty R.Otynbaeva BUU Bas hatshysymen telefon arqyly kelissózder júrgizilgenin habarlady, ol Qyrǵyzstannyń ońtústigindegi jaǵdaıǵa oraı alańdaýshylyǵyn bildirdi jáne jaǵdaıdy tezirek qalypqa túsirý úshin barlyq kúshti salýǵa shaqyrdy. BUU, EQYU, Eýropalyq Odaq tarapynan gýmanıtarlyq kómek berý nıeti aıtyldy.
UQShU múshe-memleketteriniń basshylyǵymen jedel kelissózder ótkizildi. «Olar jaǵdaıdy tolyq túsinip otyr. Reseı, Qazaqstan jáne Ózbekstan bizge gýmanıtarlyq, tehnıkalyq kómek berýge ázir. Reseılikter gýmanıtarlyq kómekti shıelenis saqtalyp otyrǵan jerlerge jetkizý úshin qajetti brondy tehnıka usynady.
Budan basqa, UQShU múshelerimen Qyrǵyzstannyń ońtústigindegi jaǵdaıdy turaqtandyrý jónindegi ózara is-qımyl máselesi uıymǵa kiretin memleketter basshylarymen kelisý úderisinde ekeni atap ótildi. «Ázirge el aýmaǵyna bitimgershil kúshterdi engizýdiń qajeti joq dep tabyldy. Degenmen respýblıkanyń kúsh-qýat qurylymdaryna barlyq qajetti kómek kórsetiledi», dedi R.Otynbaeva.
Ulybrıtanııada taqtan túsken QR prezıdenti Qurmanbek Bakıevtiń uly Maksımniń ustalýyna túsinikteme bere otyryp, R.Otynbaeva onyń qylmystyq áreketterin kórsetetin biraz faktiler bar, ol tıisti jaýap beredi, dep atap ótti.
Ýaqytsha úkimet tóraıymy sondaı-aq Bishkekte qoǵamdyq tártip pen qaýipsizdikti qamtamasyz etý jóninde jumystar júrgizilip jatyr dep sendirdi, bul oraıda ártúrli ult ókilderi turatyn aýdandarǵa basa kóńil bólinedi.
Onyń aıtýynsha, erteńgi kúnnen bastap respýblıkada eldiń ońtstiginde jappaı tártipsizdik saldarynan qazaǵa ushyraǵandardy aza tutý jarııalanady.
