ıÝNISEF-tiń qoldaýymen Almatyda úıde patronaj qyzmetin nyǵaıtý tájirıbesi usynyldy
ASTANA. KAZINFORM — Almaty qalasynda Eýropa jáne Ortalyq Azııa elderi boıynsha ıÝNISEF óńirlik ofısiniń jáne Qazaqstan Respýblıkasy Densaýlyq saqtaý mınıstrliginiń birlesýimen uıymdastyrylǵan «Baǵalaýdan áreketke» atty patronaj qyzmeti júıelerin nyǵaıtý jónindegi sýbóńirlik keńes ótti. Bul týraly vedomstvonyń baspasóz qyzmeti málim etti.
Keńestiń maqsaty — erte shaqtaǵy balalardyń densaýlyǵyn, damýyn jáne ál-aýqatyn qamtamasyz etetin medıtsınalyq-sanıtarııalyq alǵashqy kómektiń mańyzdy quramdas bóligi bolyp tabylatyn úıde patronajdyq qyzmet kórsetý júıelerin nyǵaıtý jáne turaqty damytý boıynsha sharalardy talqylaý jáne ázirleý boldy. Balalary bar otbasylardaǵy medıtsınalyq-áleýmettik qaýipterdi anyqtaý úshin elimizde patronajdyń ámbebap-progressıvti modeli boıynsha 4 myń meıirger jumys isteıdi.
— ıÝNISEF-tiń tehnıkalyq qoldaýynyń arqasynda 36 jattyqtyrýshy daıarlanyp, 2,5 myń meıirger oqytyldy, patronajdyq meıirger úshin jeke shtat birligi bólindi. GPS-navıgatsııa jáne fotofıksatsııa múmkindigi bar patronaj esebi tsıfrlandyrylyp, qyzmettiń eseptik nysandaryn tsıfrlandyrý jumystary jalǵasyp jatyr, — delingen habarlamada.
Nátıjesinde patronajdyq baqylaýmen qamtý jáne onyń sapasy jaqsardy, bul vedomstvoaralyq ózara is-qımyldyń 36%-ǵa artýyna, úı jaǵdaıyndaǵy ólimniń 22%-ǵa tómendeýine jáne balalardyń statsıonarlarǵa kesh jatqyzylýynyń 5%-ǵa azaıýyna yqpal etti.
Qatysýshylar patronajdyń ámbebap-progressıvti modelin engizý tájirıbesin usynyp, alynǵan sabaqtarmen bólisti jáne ıÝNISEF-tiń biryńǵaı ádisnamasy boıynsha júrgizilgen patronaj qyzmeti júıelerin baǵalaý nátıjelerin taldady. Tájirıbe almasýǵa jáne naqty eldik is-qımyl josparlaryn ázirleýge erekshe nazar aýdaryldy.
Qazaqstannyń praktıkalyq tájirıbesimen tanysý maqsatynda qatysýshylar Almaty qalasyndaǵy № 36 emhanaǵa baryp, erte shaqtaǵy balalarǵa arnalǵan qyzmetterdiń tolyq spektrimen tanysty: patronaj meıirgerleriniń jumysy, erte damý jáne aralasý ortalyǵy, pedıatrlardyń keńesteri, sondaı-aq balanyń densaýlyǵy men damýyna qatysty máseleler nemese qaýipter anyqtalǵan jaǵdaıda qosylatyn mýltıdıstsıplınarlyq komandalardyń qyzmeti kórsetildi.
Іs-sharaǵa Ana men bala densaýlyǵyn saqtaý departamentiniń dırektory Embergenova Maǵrıpa Hamıtqyzy, DDU-nyń medıtsınalyq-sanıtarııalyq alǵashqy kómek jónindegi Eýropalyq ortalyǵynyń basshysy Melıtta ıAkab hanym, ıÝNISEF-tiń Eýropa jáne Ortalyq Azııa elderi boıynsha óńirlik ofısiniń densaýlyq saqtaý jónindegi óńirlik keńesshisi Gabrıele Fontana myrza, sondaı-aq Ortalyq Azııa elderiniń — Qazaqstan, Qyrǵyzstan, Tájikstan, Ózbekstan jáne Túrikmenstan densaýlyq saqtaý mınıstrlikteriniń ókilderi, ıÝNISEF mamandary jáne ana men bala densaýlyǵyn qorǵaý salasyndaǵy ulttyq sarapshylar qatysty.
Qazaqstanda balalardyń densaýlyǵy memlekettik saıasattyń negizgi basymdyqtarynyń biri bolyp tabylady.
Al elimizde qansha patronajdyq meıirger qyzmet atqaratynyn myna siltemeden oqyńyz.