Іri kómir óndirýshi kásiporyn salyq tóleýden jaltarǵan

ASTANA. KAZINFORM — Qaraǵandy oblysynyń prokýratýrasy iri kómir óndirýshi kásiporynnyń salyq tóleýden jaltarý faktisin anyqtady. 

2025 jylǵy 13 maýsymda Qylmystyq kodekstiń 245-baby 3-bóligi boıynsha sotqa deıingi tergep-tekserý bastaldy.

— Tekserý barysynda kásiporyn úlestes tulǵany beırezıdent retinde paıdalanyp, ózara esep aıyrysýlarda salyq mólsherlemesin 1,95 mlrd teńgege tómendetkeni belgili boldy, — delingen Qaraǵandy oblysy prokýratýrasy habarlamasynda.

Tergeý nátıjesi boıynsha kásiporyn dırektory qylmystyq jaýapkershilikke tartyldy.

Zalal tolyq kólemde ótelýine baılanysty is QK-niń 245-babynyń eskertpesine sáıkes aqtalmaıtyn negizder boıynsha toqtatyldy. 

Aıta ketelik elimiz kómir óndirýden on iri eldiń qataryna kiredi.