Esirtki taratýmen aınalysqan almatylyqtar elordada ustaldy

ALMATY. KAZINFORM — Almaty men Astana qalalaryna asa keń kólemde esirtki jetkizýmen aınalysqan qylmystyq top ustaldy.

Almaty polıtsııasy Esirtki qylmysyna qarsy is-qımyl basqarmasynyń jedel ýákilderi Astana qalasyna attanyp, qylmystyq shema boıynsha negizgi eki kúdiktini quryqtaǵan.

Almaty qalasy polıtsııa departamentiniń málimetinshe, kúdiktilerdiń jaldamaly páterin tintý kezinde untaq tárizdi zat salynǵan sómke tabylǵan. Sot-hımııalyq saraptamanyń qorytyndysyna sáıkes, ol jalpy salmaǵy shamamen 9 keli bolatyn gashısh ekeni anyqtaldy.

— Eki kúdikti de Almaty qalasyndaǵy ýaqytsha ustaý ızolıatoryna jetkizildi. Atalǵan derek boıynsha qylmystyq is qozǵaldy. Qazir jetkizý arnalary men zańǵa qaıshy áreketterdiń basqa da mán-jaılaryn anyqtaýǵa baǵyttalǵan keshendi tergeý amaldary júrgizilip jatyr, — dep habarlady departamentten.

Eske salaıyq, buǵan deıin Shymkentte asa iri kólemde esirtki tasymaldaǵan almatylyq turǵyn ustaldy.