Іri kólemde «Apple» taýar belgisiniń atyn jamylǵan kontrafaktilik ónimder tárkilendi
ASTANA. KAZINFORM - ️Almaty qalasynda QR Ádilet mınıstrligi jáne QR Іshki ister mınıstrliginiń qyzmetkerlerimen kontrafakti ónimderin anyqtaý boıynsha is-sharalar ótti.
Baısat kóterme-bólshek saýda bazarynyń aýmaǵynda «Apple» taýar belgisimen iri kontrafaktilik ónim partııasyn satý deregi anyqtaldy. Jeke kásipker óńirlerge uıaly telefondardyń (qýattaǵysh qurylǵylar, kabelder, qulaqqaptar, adapterler jáne t.b.) kontrafaktilik aksessýarlaryn kóterme baǵamen satqany anyqtaldy.
Osy fakti boıynsha «QR Ákimshilik quqyq buzýshylyq kodekstiniń» 158-baby boıynsha ákimshilik is qozǵaldy. Shamamen 2 mln teńge somasyna 1,5 myń dana ónim tárkilendi.
Osyǵan uqsas fakt Baısat kóterme-bólshek saýda bazarynyń janynda ornalasqan qoıma úı-jaıynda anyqtaldy. Onda WD-40 (ámbebap maqsattaǵy tehnıkalyq aerozol) taýar belgisimen kontrafaktilik shyǵý belgileri bar ónimderi bar kóterme qoıma tabyldy.
Jeke kásipkerge qatysty ÁQBtK-niń 158-baby boıynsha ákimshilik is qozǵaldy. Shamamen 3 mln teńge somasyna 2 myńnan astam jalǵan ónim tárkilendi.
Qazir barlyq materıal sotqa jiberildi. Osy baǵyttaǵy jumys jalǵasatyn bolady.
Aıta keteıik, Almaty qalasynyń Esirtki qylmystaryna qarsy kúres basqarmasynyń qyzmetkerleri AQSh-tan kelgen halyqaralyq poshta sálemdemesiniń jolyn kesti.