Elden buqashyqtardy shyǵarý 6 aıǵa shekteldi
ASTANA. KAZINFORM – Qazaqstan aýmaǵynan sáýir aıynyń aıaǵyna deıin buqashyqtardy shyǵarýǵa tyıym salyndy. Tıisti buıryq 5 qarashada kúshine endi.
Syrtqy saýda qyzmeti jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń (VAK) 2025 jylǵy 8 qazandaǵy otyrysynda Qazaqstan Respýblıkasy buqashyqtardy (ІQM) áketýge tyıym salý sharasyn qajet bolǵan jaǵdaıda VAK-qa shyǵarmaı, odan ári avtomatty túrde uzartý múmkindigimen alty aı merzimge uzartý maquldandy.
Osyǵan baılanysty QR Aýyl sharýashylyǵy mınıstriniń 2025 jylǵy 4 qarashadaǵy № 416 «Aýyl sharýashylyǵy janýarlaryn áketýdiń keıbir máseleleri týraly» buıryǵy qabyldandy.
— Qazaqstan Respýblıkasynyń aýmaǵynan iri qara maldyń buqashyqtaryn áketýge 2026 jylǵy 30 sáýirdi qosa alǵandaǵy merzimge tyıym salý engizilsin, - delingen qujatta.
Eldiń azyq-túlik qaýipsizdigin qamtamasyz etý, sondaı-aq otandyq qaıta óńdeý kásiporyndaryn qosymsha júkteý maqsatynda ýaqytsha tyıym salyndy. Buıryq 2025 jylǵy 5 qarashadan bastap kúshine endi.
Qazaqstannan iri qara mal etin eksporttaý ýaqytsha shekteletinin jazǵan bolatynbyz.
2030 jyly eldegi iri qara mal sany 12 mln-ǵa jetkiziledi.