Іri qalalardyń ákimdikterine jańa quzyret berilmek
ASTANA. KAZINFORM — Astana men Almaty jáne basqa da qalalardyń ákimdikterine polıtseılerge tán ókilettik beriledi. Bul normalar búgin Májiliste qabyldanǵan «Quqyq buzýshylyq profılaktıkasy týraly» Zańy men ilespe qujattarda qamtylǵan.
- Oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdaryna qalalar men eldi mekenderdiń aýmaqtaryn abattandyrý qaǵıdalaryn buzǵany, sondaı-aq ınfraqurylym obektilerin qıratqany, qalalar men eldi mekenderdiń jasyl jelekterin joıǵany jáne búldirgeni úshin ákimshilik quqyq buzýshylyq týraly isterdi qaraý quqyǵy beriledi, - dedi depýtat Magerram Magerramov Májilistiń jalpy otyrysynda.
Onyń aıtýynsha, buǵan deıin mundaı zań buzý derekteri úshin jaýapqa tartýǵa tek ishki ister organdary men aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderi ǵana quqyly boldy. Endi jańa norma boıynsha osynda quzyret iri qalalardyń ákimdikterine de berilmek.
Budan buryn habarlanǵandaı, Májilistiń jalpy otyrysynda «Quqyq buzýshylyq profılaktıkasy týraly» Zańy men ilespe qujattar ekinshi oqylymda qaralyp, qabyldandy.