R.Qadyrov reper Tımatıǵa Sheshenstannyń Eńbek sińirgen ártisi ataǵyn berdi
ASTANA. QazAqparat - Sheshenstan Prezıdenti Ramzan Qadyrov ánshi Dıma Bılanmen daýlasqan reper Tımatıǵa qoldaý tanytyp, oǵan Sheshenstan Respýblıkasynyń Eńbek sińirgen ártisi degen ataqty berý týraly Jarlyqqa qol qoıdy, dep habarlady VVS.
«Instagram» áleýmettik jelisindegi jeke paraqshasynda Sheshenstan basshysy Tımatıdi óziniń dosy sanaıtynyn, ony ómirlik kózqarasy úshin syılaıtynyn jazǵan.
«Tımatı salaýatty ómir saltyn ustanady. Ol ishpeıdi, shekpeıdi, kásibı deńgeıde sportpen shuǵyldanady. Ókinishtisi, bizdiń keıbir shoý-bıznes ókilderinde mundaı qasıet joq. Qoǵamda tanymal bola túsý úshin olar Batystyń ártisterine eliktep, jynystyq aýytqýshylaqtaryn maqtan tutady. Jyldap nashadan emdelý ortalyqtarynda jatady. Eń sońynda, sol nasha dozasyn shekten tys alyp, óledi», - dep jazǵan Ramzan Qadyrov. Aıta keteıik, Dıma Bılan men Tımatı arasynda daý Bılannyń Tómengi Novgorodtaǵy kontsertte óner kórsetýine qatysty týyndaǵan. Onda Tımatı áriptesin esirtki shegip alyp, sahnaǵa shyqty dep aıyptady. Al, Bılan óziniń keshte jaısyz sezingenin aıtyp aqtaldy.
