R.Qadyrov qalyńdyq alyp qashýǵa tolyǵymen tyıym salýdy talap etti
ASTANA. 12 qańtar. QazAqparat - Sheshen Respýblıkasynyń basshysy Ramazan Qadyrov 2010 jyldyń 28 jeltoqsany kúni Kýrchaloev aýdanyna qarasty Geldagen aýylynda bolǵan qyz alyp qashý oqıǵasyna baılanysty qalyńdyqty urlaý faktilerine tolyǵymen tyıym salýdy talap etti, dep jazady RBK agenttigi.
«Bul oqıǵa jer-jerdegi bılik jumysynyń álsizdigin jáne jaǵdaıdy tolyq basqara almaýyn dáleldeıdi. Qyz alyp qashý oqıǵasyn sol aýdan túgeldeı estigenimen, jergilikti aýdandyq ishki ister bólimi de, aýdan basshylyǵy da jedel áreket etý sharalaryn qolǵa almaǵan. Mundaı buzaqylyqtardy ákimshilik basshylary men aýdandyq ishki ister bólimi basshylarynyń salǵyrttyǵy, olardyń tarapynan aýdandaǵy jaǵdaıdyń baqylaýǵa alynbaıtyndyǵy dep baǵalaý qajet», - dedi R.Qadyrov.
Sheshen Respýblıkasynyń basshysy osy oqıǵa saldarynan aýyl basshysy men aýyl meshitiniń ımamy qyzmetterinen bosatylǵanyn atap ótti.
«Biz ıslam dinin ustanamyz, al bul dinde qyzdyń kelisiminsiz bolǵan neke moıyndalmaıdy. Men bul máseleni buryn da aıtqanmyn, qazir de aıtamyn, biz qalyńdyq urlaý sııaqty qubylysty birjolata joıýymyz kerek», - dep atap ótken R.Qadyrov.
