Qutqarýshylar kóktemgi sý tasqynyna daıyndyqtaryn tekseredi
Oqý-jattyǵýdyń maqsatyna sáıkes ortalyq jáne jergilikti atqarýshy organdardyń ózara is-qimyly men jergilikti halyqty qulaqtandyrý tekserilip, Azamattyq qorǵanys júıesiniń kóktemdegi TJ qateri tóngen kezde maqsatyna sáıkes mindetterdi oryndaýy úshin joǵary daıyndyq rejimine aýystyrý máselesin pysyqtaý kózdelip otyr.
Oqý-jattyǵýǵa ortalyq memlekettik organdardan (azamattyq qorǵanystyń respýblikalyq qyzmetteri), jergilikti atqarýshy organdardan (tótenshe jaǵdaılardyń aldyn alý jáne olardy joý jónindegi komissialar), azamattyq qorǵanystyń aýdandyq jáne qalalyq qyzmetteri, avarialyq-qutqarý qyzmetteri, Qorǵanys ministrligimen kelise otyryp Ulttyq Ulannyń áskeri bólimderiniń jedel toptaryn tartý josparlanǵan.
5 naýryzda sý tasqyny qateri týyndaǵanda basqarý organdary men azamattyq qorǵanys kúshterin daıyndaýǵa sheshim qabyldaý jáne Azamattyq qorǵanystyń memlekettik júıesiniń basqarý organdary men kúshterin daıyndaýǵa sheshim qabyldaý boıynsha azamattyq qorǵanystyń qyzmetteri shtabtyq jumys júrgizetin bolady.
6 naýryzda barlyq oblystar men Astana jáne Almaty qalalarynda kóktemgi TJ-dan saqtanýǵa qatysty avarialyq-qutqarý qyzmetteri azamattyq qorǵanystyń oblystyq qyzmetterimen birlesip arnaıy- taktikalyq oqý-jattyǵý ótkizetin bolady.
Praktikalyq is-qimyldardy pysyqtaý aldyńǵy jyldary sý basqan eldi mekenderde ótedi. Bul jasaqtardyń sý alyp ketken jerlerde sý tasqynyna qarsy is-sharalardy ótkizip, jattyǵýdy júzege asyrýǵa múmkindik beredi.
Sapaly áreket etýdi pysyqtaý jáne aldyn alý sharalary tasqyn sýdan keletin zalaldy tómendetýge múmkindik beredi.
