QULAN kollektsııalyq monetalary satylymǵa shyǵady
Monetalar Ulttyq banktiń ınternet-dúkeni arqyly satylady.
Melhıor men neızılber qospasynan jasalǵan monetalardyń aversi men reversindegi beıneler birdeı.
Moneta aversiniń oń bóliginde ańdar men ósimdikterden kollaj, jıeginde Qazaqstan Respýblıkasynyń Memlekettik eltańbasy, sol jaǵynda QUB-tyń taýar belgisi (logotıpi) beınelengen jáne soǵylǵan jylyn bildiretin «2021» degen jazý bar. Rroof-like daıyndaý sapasymen melhıor qospasynan daıyndalǵan monetada «200 TEŃGE» nomınaly, brilliant uncirculated daıyndaý sapasymen melhıor qospasynan jáne neızılber qospasynan daıyndalǵan monetada «100 TEŃGE» jazýy basylǵan. QAZAQSTAN ULTTYQ BANKI jáne NATIONAL BANK OF KAZAKHSTAN degen jazýlar moneta jıeginde aınaldyra berilgen.
Moneta reversinde dala landshafty aıasynda qulandardyń beınesi beınelengen, monetanyń joǵarǵy bóliginde EQUUS HEMIONUS (túriniń latynsha aty), tómengi bóliginde QULAN jazýy bar.
Monetalar:
- MN 25 melhıor qospasynan jasalǵan nomınaly 200 teńgelik monetanyń massasy – 15 gramm, dıametri – 33 mm, altyn jalatylǵan, sapasy – rroof-like, taralymy – 10 000 dana;
- MN 25 melhıor qospasynan jasalǵan nomınaly 100 teńgelik monetanyń massasy –
15 gramm, dıametri – 33 mm, sapasy – brilliant uncirculated, taralymy – 10 000 dana;
- MNTs 15-20 neızılber qospasynan jasalǵan nomınaly 100 teńgelik monetanyń massasy – 11,17 gramm, dıametri – 31 mm, sapasy – uncirculated, taralymy – 100 000 (bir júz myń) dana.
QULAN monetalarynyń sıpattamasy:
Qulan – jylqy tuqymdas, sırek kezdesetin janýar. Latynsha ataýy – EQUUS HEMIONUS. Oǵan alǵash ret 1775 jyly sıpattama berilgen. Qazaqstanda qulan Ústirt pen Mańǵyshylaqta kezdeskenimen, ótken ǵasyrdyń 30-jyldary joǵalyp ketken. 1953 jyly Aral teńizindegi Barsakelmes aralyna túrkimen qulandary ákelindi. 1982 jyldan bastap Altynemel, Betpaqdala ulttyq saıabaqtarynda jáne soltústik Aqtaýda olardy jersindirý jumystary bastaldy.
Foto: nationalbank.kz
