«Questra Holdings Inc.» kompanııasy ústinen qylmystyq is qozǵaldy
QYZYLORDA. QazAqparat - Qyzylorda oblystyq prokýratýrasynyń baspasóz qyzmeti habarlaǵandaı, sala qyzmetkerleriniń monıtorıngi nátıjesinde aımaqta ınternet-platforma arqyly sheteldik «Questra Holdings Inc.» kompanııasynyń qyzmet kórsetip kelgendigi anyqtaldy.
Kompanııa ókilderi turǵyndardy jyldyq 336 paıyz paıdamen ınvestor portfeline qarjy salýǵa úgittep kelgen. Olar sondaı-aq, jańa ınvestor tartqan adamǵa tólenetin aqy mólsheri de joǵary bolatynyn ýáde etip, jurtty qyzyqtyrǵan.
Osy arqyly qyrýar paıda taýyp kelgen uıymǵa salym kólemi 90-20 000 eýro aralyǵynda bolǵan. Qarjy pıramıdasy júıesimen jumys istep kelgen osy kompanııanyń áreketinen eldi saqtandyrý, alaıaqtyqtyń aldyn alý maqsatynda oblys prokýratýrasynyń usynysymen osy jyldyń 12 jáne 15 naýryzynda Qyzylorda qalalyq ІІB jáne Qazaly aýdandyq ishki ister bóliminde qylmystyq is ashyldy.
Sonymen qatar, osy jylǵy 6 mamyrdan bastap memlekettik kiris departamenti mamandary «Questra Holdings Inc.» qyzmetkerleriniń ústinen sotaldy tergeý jumystaryn bastady.
Qazir osy isterge qatysty keıbir faktiler aıqyndalyp otyr. Mysaly, kompanııa ýádesine sengen 113 salymshy belgili boldy. Qyzylorda qalasy men Áıteke bı kentindegi «Questra Holdings Inc.» keńesshileri men olardyń kómekshileri tergeldi. Keıbiriniń úıine tintý jasalyp, iske tikeleı qatysy bar noýtbýkter men gadjetter alyndy.
Іske baılanysty kompıýterlik-tehnıkalyq saraptama taǵaıyndaldy.
Oblys prokýrory H. Dáýeshov qajettiligine qaraı kinálilerdi ustap, qamaqqa alý jóninde tapsyrma berdi.
