QR kody bar almalar: Nıý-Iorkte iPhone satylymynyń bastalýyna oraı erekshe aktsııa uıymdastyryldy

ASTANA.KAZINFORM - 19 qyrkúıek kúni Apple kompanııasynyń jańa iPhone telefony shyǵýyna oraı Qazaqstan Respýblıkasynyń Nıý-Iorktegi Bas konsýldyǵy jarnamalyq naýqan ótkizdi.

Naýqan sımvolıkasy alma beınesimen tikeleı baılanysty. Apple jahandyq tehnologııalyq korporatsııasynyń ataýy da almamen baılanysty. Alma – Qazaqstannyń mádenı, qarjylyq jáne týrıstik ortalyǵy Almatynyń sımvoly, al Nıý-Iork qalasy búkil álemge óziniń beıresmı «Big Apple» ataýymen belgili.

Shara barysynda stýdentter men qazaq dıasporasynyń ókilderinen turatyn konsýldyq ókilderi, eriktiler jurtshylyqqa QR kody bar alma taratty. Olardy skanerleý arqyly Nıý-Iork turǵyndary men qonaqtary Qazaqstan, Almaty qalasy, almanyń tarıhı tamyry jáne Qazaqstan men AQSh arasyndaǵy baılanystar týraly málimet aldy.

Qazaqstannyń almanyń otany retinde tanylýyna erekshe mán berildi. Almaty mańyndaǵy Tıan-Shan taýlarynyń eteginde qazirgi alma sorttarynyń kópshiligine negiz bolatyn jabaıy alma aǵashy Malus sieversii kúni búginge deıin ósedi. Bul biregeı tabıǵat qubylysy zertteýlermen, sonyń ishinde National Geographic basylymdary da rastaıdy.

Qatysýshylar Qazaqstan, onyń mádenıeti, tarıhy, týrıstik áleýeti, zamanaýı jetistikteri týraly suraqtar qoıyp, úlken qyzyǵýshylyq tanytty.

«Alma» aktsııasynyń uıymdastyrylýy Qazaqstannyń pozıtıvti ımıdj qalyptastyrýǵa, mádenıet baılanystardyjetildirip, eldiń tanymaldylyǵyn arttyrýǵa baǵyttalǵan kreatıvti dıplomatııasynyń úlgisi boldy, dedi Qazaqstannyń Nıý-Iorktegi bas konsýldyǵynyń ókilderi.

Esterińizge sala keteıik, 9 qyrkúıekte Apple kompanııasynyń jyl saıynǵy negizgi baıandamasynda iPhone-nyń jańa túri men onyń jetildirilgen Pro jáne Max nusqalary, sondaı-aq jańa smart saǵattar men basqa Apple qurylǵylary tanystyryldy. Satylymdar 19 qyrkúıekte bastaldy.