QR-kod arqyly qandaı qyzmetterdi alýǵa bolatyny anyqtaldy

NUR-SULTAN. QazAqparat - Búgin QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev halyqqa esep berý kezdesýinde egov.kz portalynan QR-kod arqyly alýǵa bolatyn memlekettik qyzmetterdiń tizimin jarııalady, dep habarlaıdy QazAqpart.

Mınıstrdiń aıtýynsha, QR-kod arqyly alýǵa bolatyn qyzmetterdi osy aıda usyný úshin tehnık mamandar jumys isteýde. QR-kod arqyly alýǵa bolatyn alǵashqy memlekettik qyzmetter: nekeni tirkeý, balanyń týǵanyn tirkeý, balabaqsha kezegine qoıý, zańdy tulǵany tirkeý, salyq esebin qabyldaý (250 forma).

«Bul qyzmetterdi kompıýter arqyly alý barysynda ETsQ-ǵa qol qoıý kezinde QR-kodty skanerlep, qyzmetti eGov mobile qosymshasy arqyly alýǵa suraý jiberýge bolady. Ol úshin kompıýterińizge ETsQ-ny paıdalaný úshin qosymsha baǵdarlama ornatýdyń qajeti joq», - dep atap ótti Asqar Jumaǵalıev.

Osylaısha, azamat eGov.kz portalynan qyzmetterdi alý barysynda «QR-code arqyly qol qoıý» fýnktsııasyn tańdaı alady. Sodan soń eGovMobile qosymshasyn paıdalanyp, monıtorda paıda bolǵan kodty skanerleıdi.

Osy aıdyń sońynda keıbir qyzmetterdi QR-kod arqyly alý múmkindigi iske asyrylady. Aldaǵy ýaqytta QR-kodtyń kómegimen alýǵa bolatyn qyzmetterdiń qatary kóbeıedi.

«eGov mobile» qosymshasy App Store jáne PlayMarket platformalarynda bar. Sondaı-aq, atalǵan mobıldi qosymshada suranysqa kóp ıe qyzmetter men servısterdiń 60 túri qoljetimdi. Azamattyń jeke kýáligi sekildi «tsıfrlyq qujattary» da engizilgen. Mobıldi qosymshany tolyqqandy paıdalaný úshin ETsQ-nyń bolýy shart jáne mobıldik azamattar bazasynda tirkelýińiz kerek.