Jyl sońynda bankaralyq biryńǵaı QR-kod júıesi iske qosylady – Ulttyq bank

ASTANA. KAZINFORM – 2024 jyldyń sońynda bankterdiń arasyndaǵy tólemder biryńǵaı QR-kod arqyly jasalady. Bul týraly Ulttyq banktiń baspasóz qyzmetinen habarlady. 

«Elimizde QR kodtyń ulttyq standarty bar. Sol arqyly tólem jasaýǵa arnalǵan QR-kod ázirleýdiń biryńǵaı ádisnamasy men olardy ázirleýge qajet derekteme jıyntyǵy aıqyndalady (2021 jylǵy 13 tamyzdaǵy 3712-2021 QR ST)», - delingen habarlamada.

Ulttyq standart – QR-kod ázirleýge arnalǵan ereje jıyntyǵy. Al QR kod arqyly tólem júrgizý (tranzaktsııalardy óńdeý) bankishilik júıelerde de, bankaralyq deńgeıde de júzege asyrylady.

«Qazir birqatar bank bankishilik deńgeıde QR-kod arqyly tólem júrgizý qyzmetin usynyp otyr. Al bankaralyq tólemge arnalǵan QR-kod qyzmetin 2024 jyldyń aıaǵynda iske qosý josparda bar», - deıdi Ulttyq bankten.