QR-111: bıyl balalar 60 myń ótinish joldady
ASTANA. KAZINFORM — Búgin Quryltaıdaǵy Úkimet saǵatynda Oqý-aǵartý mınıstri Juldyz Súleımenova oqýshylar máselesin sheshýge qatysty iske qosylǵan QR-111 júıesine túsinik berdi.
- 2025 jyly QR-111 arqyly ártúrli máseleler boıynsha 124 myń bala júginse, 2026 jyly 60 myń ótinish kelip tústi. Barlyq balaǵa jedel kásibı kómek kórsetildi, - dedi Juldyz Súleımenova.
Buǵan deıin mektepterdegi «111» QR-kodyna kún saıyn 600 shaǵym túsetini málim boldy.
Quryltaı tóraǵasynyń orynbasary Dınara Zákıeva 3 jyldyń ishinde 300 myńnan astam qıyn jaǵdaıdaǵy nemese kómekke muqtaj balalar ýaqytyly anyqtalǵanyn aıtty.