Qorqyt ata kollektsııalyq monetalary aınalymǵa shyǵady

ASTANA. QazAqparat – Qazaqstan Ulttyq Banki «Dala qazynasy» serııasynan QORQYT ATA kollektsııalyq monetalaryn aınalymǵa shyǵarady, dep habarlaıdy QazAqparat bank saıtyna silteme jasap.

Monetalar 4 qyrkúıekten bastap QUB-tyń https://kazcoins.nationalbank.kz ınternet-dúkeni arqyly satylady.

Qorqyt ata – qobyz atasy dep tanylady, jyrshy, mýzykant ári kompozıtor. Ańyz boıynsha, Qorqyt Syrdarııa dalasynan shyqqan jáne VIII-IX ǵasyrlarda ómir súrgen. 1980 jyly Qyzylorda qalasynda «Qorqyt ata» memorıaldyq kesheni salyndy. Mádenı mura retinde resmı túrde ıÝNESKO tizimine engizilip, 2018 jylǵy 28 qarashadan bastap memlekettiń qorǵaýyna alyndy.

QORQYT ATA monetasy kúmisten daıyndalǵan, synamasy – 925/1000. Massasy – 24 gramm, dıametri – 37 mm, daıyndaý sapasy – proof, nomınaly – 500 teńge, taralymy – 5 000 (bes myń) dana.

Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha qabyldanýǵa jatady. Elimizdiń barlyq bankinde bank shottaryna esepke alynýǵa jáne aýdarylýǵa, usaqtalýǵa jáne aıyrbastalýǵa tıis.

Kollektsııalyq monetalar Qazaqstan teńge saraıynda daıyndaldy.