«Qoja Ahmet Yasaui» ordeni kúlli túrki dúnıesi úshin mán-maǵynasy aıryqsha marapat — Toqaev
ASTANA. KAZINFORM — «Qoja Ahmet Yasaui» ordeni kúlli túrki dúnıesi úshin mán-maǵynasy aıryqsha marapat. Bul týraly Túrki memleketteri uıymynyń beıresmı sammıtinde Memleket basshysy Qasym-Jomart Toqaev aıtty.
— Búgingi jıynda ózderińizge taǵy da atap ótkim keledi. Men bıyl ulystyń uly kúninde osy kıeli Túrkistan jerinde «Qoja Ahmet Yasaui» ordenin taǵaıyndaý týraly sheshim qabyldadym. Osyǵan oraı tıisti zań qabyldandy. Arnaıy Jarlyqqa qol qoıdym. Bul kúlli túrki dúnıesi úshin mán-maǵynasy aıryqsha marapat dep aıtýǵa bolady. Sol sebepti keshe alǵashqy mártebeli nagradany asa qurmetti Prezıdent Rejep Taııp Erdoǵanǵa saltanatty túrde tabystadym. Osylaısha biz túrki rýhanııatynyń temirqazyǵy ıAsaýı tulǵasyn dáripteı otyryp, halyqtarymyzdyń arasyndaǵy myzǵymas baýyrlastyq tamyryn nyǵaıta beremiz dep senemin, — dedi Prezıdent.
Qasym-Jomart Toqaev búginde Túrkistan kóne men keleshekti toǵystyrǵan shyraıly shaharǵa aınalǵanyn aıtty.
— Aımaqtyq ekonomıkalyq áleýeti jyl saıyn artyp keledi. Byltyr oblystyń ekonomıkasy 9,3 paıyzǵa ósti. Onyń kólemi 10 mlrd dollardan asty. Aımaqqa 3,5 mlrd dollar ınvestıtsııa tartyldy, — dedi Memleket basshysy.
Esterińizge sala keteıik, keshe Táýelsizdik saraıynda Túrkııa Prezıdenti Rejep Taııp Erdoǵandy «Qoja Ahmet Yasaui» ordenimen marapattaý rásimi ótti.
