Qnet LTD pıramıdasyn uıymdastyrǵan áıel elden jınaǵan ₸36,5 mln-dy qaıtarǵan soń is jabyldy
QOSTANAI. QazAqparat - Qostanaıda «Qnet LTD» qurylymdyq bólimshesiniń basshysyna qatysty qarjy pıramıdasyn qurý jáne basqarý faktisi boıynsha qylmystyq is aıaqtaldy, dep habarlaıdy QazAqparat.
Qarjy monıtorıngi agenttiginiń aýmaqtyq departamenti qyzmetkerleri anyqtaǵandaı, kúdikti azamattardy «Qnet LTD» qarjy pıramıdasyna tartý úshin Qostanaıda keńse ashyp, jeńil tabys tabýdy belsendi túrde jarnamalaǵan.
30-dan astam adam qylmystyq árekettiń qurbany boldy.
Kúdiktiniń qylmystyq isin tergep-tekserý barysynda jábirlenýshilerge 36,5 mıllıon teńgeden astam shyǵyn tolyq kólemde óteldi.
Osyǵan baılanysty taraptardyń tatýlasýyna baılanysty tergeý toqtatyldy.
