QazVac-tyń shtamdyq quramy ózgeredi

NUR-SULTAN. QazAqparat – Koronavırýsqa qarsy otandyq QazVac vaktsınasynyń quramy ózgeredi. Bul týraly Bıologııalyq qaýipsizdik problemalarynyń ǵylymı-zertteý ınstıtýtynyń bas dırektory, koronavırýsqa qarsy QazVac qazaqstandyq vaktsınanyń avtory Kúnsulý Zakarıa málim etti, dep habarlaıdy QazAqparat tilshisi.

«Bizdiń el aýmaǵyna delta shtamy kelgen sátten bastap, Úkimettiń tapsyrmasyna sáıkes ony zertteýge kiristik. Klınıkaǵa deıin zertteý janýarlarǵa júrgizildi. QazVac-tyń shtamdyq quramyn ózgertý arqyly janýarlarǵa júrgizilgen zertteý joǵary nátıje kórsetti. Búginde Densaýlyq saqtaý mınıstrliginiń resmı ruqsatyn kútip otyrmyz. ıAǵnı QazVac quramyndaǵy Ýhan shtamyn Delta shtamyna aýystyratyn bolamyz. Zertteý nátıjesimen tanysyp, mınıstrlik ruqsat bergen jaǵdaıda, QazVac-tyń kelesi partııasy jańa qurammen daıyndalady. Árıne bizdiń ǵalymdar táýekelge baryp otyr. Degenmen táýekel aqtalyp, oń nátıjege qol jetkizip otyrmyz», - dedi Kúnsulý Zakarıa OKQ-de ótken baspasóz máslıhatynda.

Onyń aıtýynsha, otandyq vaktsına quramyndaǵy shtamdy aýystyrý jáne ony janýarlarǵa synaý jumysyna 2 aı jumsalǵan.

Buǵan deıin K. Zakarıa otandyq vaktsınany úsh kezeń boıynsha klınıkalyq zertteýdiń aıaqtalǵanyn málim etti.