«QazVac»-ty zertteıtin DDU ókilderi Qazaqstanǵa keledi

ASTANA. QazAqparat – Sáýir aıynda Dúnıejúzilik densaýlyq saqtaý uıymynyń arnaıy mıssııasy Qazaqstanǵa kelip, «QazVac»-ty tirkeýmen baılanysty tekserýler júrgizedi. Bul jaıynda QR Densaýlyq saqtaý mınıstri Ajar Ǵınııat vedomstvonyń qorytyndy alqa májilisinen keıin aıtty, dep habarlaıdy QazAqparat tilshisi.

«Qazaqstandyq vaktsınany Dúnıejúzilik densaýlyq uıymynda tirkeý jumystary qazir jalǵasyp jatyr. Byltyr osy DDU ókilderi, mamandary men sarapshylary onlaın rejımde ár túrli qujattarymyzdy surap, teksergen bolatyn. Endi bıyldyń ózinde sol uıymnan arnaıy mıssııa kelip, bizdiń vaktsınanyń qalaı shyǵarylyp jatqanyn, zaýytymyzdyń halyqaralyq standarttarǵa sáıkestigin, dúnıejúziniń halqyna qoldanýǵa jaramdylyǵyn tekseredi», - dedi ol.

Mınıstrdiń sózinshe, bul jumystar birneshe satyda ótedi.