QazVac-ty Dúnıejúzilik densaýlyq saqtaý uıymynda tirkeýge amerıkalyqtar kómektespek

NUR-SULTAN. QazAqparat – QazVac-ty DDU-da tirkeýge amerıkalyqtar da atsalyspaqshy. Bul týraly koronavırýsqa qarsy otandyq vaktsınany jasaýshy ǵylymı toptyń jetekshisi, Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zákarııa aıtty, dep habarlaıdy QazAqparat.

«Jaqynda biz resmı delegatsııamen Shveıtsarııada boldyq. Sol jerde m3 GROUPE degen iri kompanııamen kelisimshartqa otyrdyq. Bulardyń bizge beretin kómegi – vaktsınamyzdy áýeli Shveıtsarııada, ári qaraı Dúnıejúzilik densaýlyq saqtaý uıymynda tirkeý jáne kelesi jyldyń basynan bastap Afrıka jáne Latyn Amerıkasy elderine aparyp satý. ıAǵnı, buıyrsa, vaktsınamyzdy eksportqa shyǵaraıyq dep otyrmyz. Al búgin tańerteń amerıkalyq úlken delegatsııamen kezdestik. Syrtqy ister mınıstrliginde keńeıtilgen jınalys boldy. Sol jerde olar QazVac-ty DDSU-da tirkeýge kómek beremiz degendi aıtty. Sondyqtan da bul jumys qarqyndy júrip jatyr. Syrtqy ister mınıstrligi úlken kómek berip otyr», - dedi ǵalym «Habar 24» telearnasynan beriletin «Anyǵyn aıtqanda» habarynda.

Bıologııalyq qaýipsizdik problemalary ǵylymı-zertteý ınstıtýtynyń bas dırektory qazaqstandyq QazVac pen reseılik «Spýtnık V» ekpelerin bir-birimen salystyrý qate ekenin aıtty.

«Ekeýi eki túrli tehnologııamen jasalǵan. Bulardy salystyrýǵa bolmaıdy. Bizdiki ınaktıvtelgen. ıAǵnı, onyń ishinde vırýs tolyǵymen alynǵan. Búkil aqýyzdar ishinde saqtalǵan. Tek qana hımııalyq zatpen óltirilgen. Al «Spýtnık V» - vektorlyq vaktsına. Onda belgili bir vırýstyń kishkene bir bóligin alady da, vektorǵa salyp ishke ótkizedi. Múlde uqsamaıtyn eki tehnologııa. Olardy bir-birimen salystyrýǵa bolmaıdy, salystyrýǵa kelmeıdi», - dedi Kúnsulý Zákarııa.