«QazVac» saldyrǵan adamdar reanımatsııaǵa túsken emes – Marat Shoranov

NUR-SULTAN. QazAqparat – QR Densaýlyq saqtaý birinshi vıtse-mınıstri Marat Shoranov «QazVac» vaktsınasynan keıin adamdar reanımatsııa jatyr degen aqparat jalǵan ekenin aıtty, dep habarlaıdy QazAqparat tilshisi.

«QazVac» vaktsınasy 26 sáýirde bastadyq. Ekinshi komponenti osy aptada, 17 mamyrdan bastalyp otyr. Demek, «QazVac» vaktsınasynan keıin adamdar reanımatsııa jatyr degen aqparat jalǵan», - dedi birinshi vıtse-mınıstr Ortalyq kommýnıkatsııalar qyzmetinde ótken baspasóz máslıhaty barysynda BAQ ókilderiniń saýalyna oraı.

Al Densaýlyq saqtaý vıtse-mınıstri Ajar Ǵınııat «Spýtnıkom V» vaktsınasyn saldyrǵannan keıin jaǵdaıy aýyrlaǵan adamdardyń bolmaǵandyǵyn aıtady.

«Qazir mınıstrlikte vaktsına saldyrǵannan keıin aýyr jaǵdaıda jatqan adamdar týraly aqparat joq. Respýblıka boıynsha búginde jaǵdaıy aýyr 110-nan astam patsıent bar. Bul adamdardyń hal-jaǵdaıyn elimizdegi eń bedeldi, bilikti mamandarmen keńese otyryp qadaǵalaýdamyz. Al vaktsınadan keıin aýyr hálde jatqan adamdar týraly aqparat túspedi», - dedi ol.