QazVac nege áli kúnge deıin DDU maquldaýynan ótpeı jatyr
ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynan keıin ótken baspasóz máslıhatynda QazVac vaktsınasynyń nege áli kúnge deıin DDU maquldaýynan ótpeı jatqanyn aıtty.
Onyń sózinshe, Dúnıejúzilik densaýlyq saqtaý uıymy Qazaqstan tarapynyń ótinishin qarastyrǵan.
«Sertıfıkat berý úshin óndirýshi zaýyt qosymsha óndiris jelisin salýmen baılanysty sharttardy oryndaý qajet. Qazir sol jumystar júrip jatyr. Sondyqtan kún tártibinen áli túsken joq. Men bul isti aıaǵyna deıin jetkizýimiz kerek dep oılaımyn», - dedi ol BAQ ókiliniń suraǵyna bergen jaýabynda.
Mınıstr qazir ekpeniń bul túri pandemııa kezindegi kólemmen óndirilip jatpaǵanyn atap ótti.
«Biraq qajet bolsa, epıdemıologııalyq jaǵdaıǵa baılanysty óndiristi qaıta jandandyrýǵa múmkindik bar», - dedi Aqmaral Álnazarova.
