«QAZSPORT» telearnasy kommentatorlarǵa kastıng jarııalady
ASTANA. QazAqparat - «QAZSPORT» telearnasy sport taqyrybyn jetik biletin kommentatorlarǵa baıqaý jarııalaıdy. Kastıngke sport salasyn jaqsy biletin jáne halyqqa oıyn erkin jetkize alatyn úmitker qatysa alady, dep habarlaıdy «Qazaqstan» RTRK.
Kastıngtiń maqsaty - qazaq jáne orys tilderin meńgergen oıy ushqyr kommentatorlardy tabý.
Sondaı-aq telearnaǵa: velosport, fýtbol, basketbol, voleıbol, regbı, hokkeı, jekpe-jek jáne ulttyq sport túrlerin júrgize alatyn kommentatorlar qabyldanatyn bolady; mánerlep syrǵanaý, kórkem gımnastıka jáne júzýden ótetin sharalardy júrgizý úshin kommentator-qyzdar; birneshe sport túriniń qyr-syryn meńgergen ámbebap kommentatorlar bolýy shart.
Aıta keteıik, bul 4 jyl ishinde «QAZSPORT» arnasynda ótetin 8-shi kastıng. Ótken irikteýlerde 400-den asa úmitker qatysyp, solardyń ishinen tańdap alynǵandary búginde arna kommentatorlary bolyp jumys atqarýda. Olardyń arasynda: Lılıana Áljanova, Erbol Qaıyrov, Erik Ersin, Dıdar Qadyrov, Dmıtrıı Nesterenko jáne t.b. bar.
Kastıng 2017 jyly 17-19 qarasha aralyǵynda Astana qalasy, Máskeý kóshesi, 33A úıinde ornalasqan «QAZSPORT» telearnasynyń ǵımaratynda ótedi
Túıindemeler 2017 jyldyń 15 qarasha saǵat 20:00-ge deıin kazsporttv.kz@mail.ru elektrondy adresine jiberý kerek. Sondaı-aq, jeke tulǵaǵa tirkelgen elektrondy poshtalardan ǵana qabyldanady. Korporatıvti elektrondy poshtalardan nemese basqa adamnyń elektrondy poshtasynan jiberilgen hattar qabyldanbaıdy.
Kastıngke 22 jastan joǵary QR azamattary qatysa alady. Ár úmitkerdiń elektrondy poshtasyna belgilengen ýaqyty kórsetilgen kastıngke shaqyrtý jiberiledi. 
