QazPost pen YTO: yntymaqtastyqtyń jańa kezeńi
ASTANA. KAZINFORM – Beıjińdegi kezdesý aıasynda "Qazposhta" AQ Basqarma Tóraǵasy Bekejan Jákeev pen YTO Express Group Basqarma Tóraǵasy ıÝ Veıdzıao myrza seriktestikti tereńdetýge strategııalyq múddeli ekendikterin rastady.
Ótkizilgen kelissózderden keıin Qytaıdyń iri logıstıkalyq kompanııalarynyń biri, jahandyq logıstıkalyq naryqtaǵy jetekshi oıynshy — YTO Express Group basshysy QazPost-pen birlesip Qazaqstannyń tranzıttik áleýetin damytý men keńeıtýge belsendi qatysýǵa jáne ekijaqty jobalardy iske asyrýǵa daıyn ekenin rastady.
Kezdesýde taraptar «QazPost — YTO» birlesken kásipornyn damytý, Ortalyq Azııaǵa shyǵý boıynsha YTO Express strategııasyn iske asyrý jáne halyqaralyq tranzıttik baǵyttardy keńeıtý máselelerin talqylady.
YTO Express Group Basqarma Tóraǵasy ıÝ Veıdzıao myrza «Qazaqstan YTO Express Group jahandyq strategııasynyń negizgi býyny retinde tanylǵanyn, bul el ekonomıkasyna aýqymdy qytaılyq ınvestıtsııalarǵa jol ashatynyn» atap ótti.
Mysaly, «Qazposhta» AQ Ortalyq Azııany Eýropamen jáne basqa da óńirlermen baılanystyratyn ortalyq logıstıkalyq platformaǵa aınalatyn Almaty Sky Hub flagmandyq jobasyn iske asyrýǵa qatysady, al «QazPost — YTO» birlesken kásipornynyń basshylyǵy 2025 jyldyń sońyna deıin kólemdi eki ese arttyrýǵa, tsıfrlyq ıntegratsııany kúsheıtýge jáne ınfraqurylymdy damytýǵa daıyn ekenin málimdedi.
«Joǵary ınvestıtsııalyq áleýetiniń arqasynda Qazaqstan óńirdiń jetekshi logıstıkalyq haby retinde bekı túsýde. Bizdiń YTO Express-pen seriktestigimiz ulttyq logıstıkalyq ınfraqurylymdy nyǵaıtyp qana qoımaı, elektrondy saýdany masshtabtaýdyń jańa deńgeıine shyǵýǵa múmkindik beredi», — dep atap ótti «Qazposhta» AQ Basqarma Tóraǵasy Bekejan Jákeev.
YTO Express Group kompanııasy týraly:
YTO Express — jedel jetkizý, mýltımodaldy tasymaldaý jáne tsıfrlyq logıstıkalyq sheshimder qyzmetterin usynatyn Qytaıdaǵy iri logıstıkalyq kompanııalardyń biri. QHR-dyń TOP-5 ekspress-operatorlarynyń qataryna kiredi jáne halyqaralyq ekspansııany belsendi damytýda.