Qazkom klıentterin olardyń jınaq aqshalary saqtalady dep sendirdi
«Sizderdiń senimderińiz - bizdiń basty qundylyǵymyz, sol sebepti QAZKOM-daǵy jaǵdaıǵa baılanysty suraý salǵandarǵa bank qalypty rejime jumys istep jatqanyn jetkizemiz. Barlyq bankomat jumys istep tur, tólem jasaý jáne aýdarý operatsııalary júrgizilýde. Biz eshqashan sybystar men derekkózi belgisiz aqparattar úshin pikir bildirmeımiz, alaıda bizdiń klıentterimizdiń birqatar BAQ-ta jarııalanǵan aqparattarǵa baılanysty alańdaýshylyq bildirýine oraı bank óz mindetterin tolyq atqaryp, klıentteriniń jınaq aqshalary saqtalatynyna tolyq kepildik beretinin málimdeımiz. Kelesi aptada biz aýdıt naqtylaǵan banktiń 9 aıdaǵy jumys qorytyndysyn jarııalap, basqa da suraqtarǵa jasap beretin bolamyz», - dep jazylǵan habarlamada.
Eske sala keteıik, buǵan deıin Bloomberg agenttigi derekkózge silteme jasap Qazaqstan atalǵan bankti qutqarý úshin iri kólemde shuǵyl qaryz bergenin habarlaǵan bolatyn. Ondaǵy derekter boıynsha bankti qutqarý úshin 4,5 mlrd dollar qajet bolýy múmkin.
