Qazkom Halyq bankine qosylady

ASTANA. QazAqparat - «Qazkommertsbank» AQ «Qazaqstannyń halyq bankine» AQ qosylýdy josparlap otyr, dep habarlaıdy «QazAqparat» Qazkom-nyń baspasóz qyzmetine silteme jasap.

Halyq banktiń dırektorlar keńesi Qazkom-dy qosý arqyly qos banktiń birigý jobasyn maquldaǵanyn habarlady. Halyq bank pen Qazkom-nyń qosylýy barlyq protsedýralar júrgizilgennen keıin jáne baqylaýshy taraptyń kelisimi alynǵannan keıin kezeń-kezeńimen iske asyrylmaq.

Halyq banki basqarmasynyń tóraıymy Úmit Shaıahmetovanyń pikirinshe,  bes aıdyń ishinde halyqaralyq konsýltanttarmen júrgizilgen tabysty jumystyń nátıjesinde, bul mámileniń Qazaqstanǵa da, irgeles jatqan elderdiń ekonomıkasyna da yqpaly  orasan zor.

«Qos banktiń birigýi - qarjy tobynyń odan ári damýy úshin tıimdi bolmaq. Jańa strategııanyń maqsaty - qos banktiń utymdy tustaryn biriktirý», - dep atap ótti Úmit Shaıahmetova.