QazInnovations el medıtsınasyna tehnologııalyq trendterdi engizý áleýetin zerttep jatyr
«MedTech baǵyty boıynsha tehnologııalyq boljaý» paneldik sessııasynda sarapshylar salanyń bolashaǵyna áser etýi múmkin medıtsına salasyndaǵy sońǵy tehnologııalyq trendter men ázirlemeler týraly aıtyp, Qazaqstandaǵy medıtsına salasynyń ekojúıesiniń ınnovatsııalary máselelerin talqylady.
QazInnovations ınnovatsııalyq ekojúıeni damytý ortalyǵynyń dırektory Madııar Ábilovtyń aıtýynsha, salanyń problemalaryn, kedergileri men syn-qaterlerin anyqtaý maqsatynda MedTech (medıtsınalyq tehnologııalar) salasynda forsaıttyq zertteýler, tehnologııalyq boljaý júrgizý mindeti qoıylǵan.
«Bizge densaýlyq saqtaý salasyna enbegen uıym retinde Úkimet QR Densaýlyq saqtaý mınıstrligimen birlesip osy zertteýdi júrgizýdi tapsyrdy.
Bizdiń basty maqsatymyz – úkimet ınvestıtsııalaýy qajet medıtsına salasyndaǵy perspektıvaly nıshalardy, tehnologııalardy, trendterdi jáne ónimderdi anyqtaý, sondaı-aq bizdiń áleýetimiz qaıda ekenin tabý. Ol úshin bizde belgili bir daıyndyq, óndiris, shıkizat, naqty jobalar, startaptar tipti zertteýler de bar», - dedi Madııar Ábilov.
Spıker QR Úkimeti janyndaǵy tehnologııalyq saıasat jónindegi keńestiń otyrysynda úsh basymdyq belgilengenin atap ótti.
«Dál osy medıtsına men densaýlyq saqtaý salasy ınnovatsııalardy tereńirek zerdeleý men engizý úshin QR Úkimeti janyndaǵy tehnologııalyq saıasat jónindegi keńes aıqyndaǵan úsh negizgi baǵyt qataryna kirdi, olar – MedTech, AgriTech, GreenTech. AgriTech – biz agrarlyq el bolǵandyqtan, ıaǵnı áleýetimiz bar ekenin kórsetedi, al GreenTech –»jasyl«tehnologııalardy, energııa tıimdiligi men energııany únemdeýdi damytý, ıaǵnı búkil álem sol baǵytqa kóshýde. MedTech – jalpy ult densaýlyǵynyń kórsetkishi. Osy múmkindikti paıdalanyp, ekinshi jartyjyldyqta jáne kelesi jyly bizde AgriTech jáne GreenTech baǵyttary boıynsha forsaıttyq zertteýler josparlanǵanyn aıtqym keledi. Qazaqstanda sońǵy tehnologııalyq boljam 10 jyl buryn júrgizilgen. Osydan keıin Úkimetten analıtıkaǵa tapsyrys bolǵan joq», - dep tolyqtyrdy spıker.
Sonymen birge, Madııar Ábilov MedTech tórt negizgi salaǵa bólingenin aıtty.
«Biz dárigerler de, densaýlyq saqtaý salasynyń mamandary da emespiz. Biz eldiń ınnovatsııalyq saıasatyn qalyptastyrýǵa jaýaptymyz. ıAǵnı, biz medıtsınanyń ártúrli salalarynan mamandardy jaldaımyz. Olarmen tyǵyz yntymaqtastyqtyń arqasynda osy jumys júrgizilýde. Biz MedTech-ti 4 negizgi salaǵa bóldik. Birinshisi –farmatsevtıka, ıaǵnı dári-dármekter, ekinshisi – jasandy ıntellektke qatysty barlyq nárse, úshinshisi – medıtsınalyq jabdyq, oǵan KT, MRT jáne basqalary kiredi, tórtinshisi – shprıtster men qolǵaptarǵa deıingi medıtsınalyq buıymdar», - dep túsindirdi M. Ábilov.
