QazCovid vaktsınasyn alǵan eriktilerdiń jaǵdaıy qandaı
Basqosýda oblys ákiminiń suraǵyna densaýlyq saqtaý basqarmasynyń basshysy Áset Qalıev jaýap berdi.
«Jambyldyqtarǵa eki vaktsına usynylady. Onyń biri – reseılik «Spýtnık V», al ekinshisi qazaqstandyq vaktsına. Jappaı vaktsınatsııalaý úshin 140 medıtsınalyq qyzmetker oqytýdan ótti», - dep jaýap berdi Áset Qalıev.
Sondaı-aq, Berdibek Saparbaev QazCovid-vaktsınasyn synaqtan ótkizý aıasynda koronavırýsqa qarsy vaktsına alǵan eriktilerdiń jaı-kúıin surady.
«Olarda barlyǵy jaqsy, densaýlyǵyndaǵy kórsetkishter qalypty», - dep jaýap berdi Á.Qalıev.
Aımaq basshysy vaktsınatsııa máselesin erekshe baqylaýda ustap, buqaralyq aqparat quraldaryn tarta otyryp, osy baǵyttaǵy aqparattyq-túsindirý jumystaryn kúsheıtýdi tapsyrdy.
«Jappaı vaktsınatsııalaýdyń mańyzdylyǵyn oblystyń árbir turǵynyna jete túsindirý qajet, óıtkeni munyń bári olardyń densaýlyǵy úshin jasalýda», - dep atap ótti oblys ákimi.
Budan soń aımaq basshysy oblys ortalyǵyndaǵy jáne jaǵdaıy nashar aýdandardaǵy koronavırýs boıynsha jaýapty tulǵalarǵa júgindi. Ákimderdiń orynbasarlary bul máseleni baqylaýda ustap, ahýaldy jaqsartý úshin qoldan kelgenniń bárin jasap jatqandaryna sendirdi.
Jıyn sońynda óńir basshysy oblystyq ishki saıasat basqarmasyna koronavırýstyq ınfektsııa máselesi boıynsha túsindirý sharalaryn kúsheıtýdi, ardagerler keńesimen de yntymaqtastyqta jumys jasaýdy tapsyrdy. Óıtkeni, osy aǵa býyn ókilderi qazir tyıym salynǵan toılardan qalmaıtynyn, bul olardyń densaýlyǵy úshin óte qaýipti ekenin jetkizip, aımaqtaǵy bedeldi aqsaqaldar oǵan yqpal ete alatynyn alǵa tartty.
«Rasynda, turǵyndar bosańsyp ketti, sodan oblysymyz «sary« aımaqqa ený qaýpinde tur. Munyń saldary sizderge belgili. Qazir árqaısymyz koronavırýspen kúreske bar kúsh-jigerimizdi jumsaýymyz kerek», - dep túıindedi Berdibek Saparbaev.
Eske salsaq, Qaz Covid-in men Spýtnık V vaktsınalarynyń aıyrmashylyǵy qandaı? Bul suraqtyń jaýabyn QR DSM Sanıtarııalyq-epıdemıologııalyq baqylaý komıtetiniń vaktsınaǵa kónetin ınfektsııalardy baqylaý basqarmasynyń basshysy Nurshaı Ázimbaeva aıtyp berdi.Buǵan deıin Qazaqstanda koronavırýsqa qarsy vaktsına 1 aqpannan bastap egiletindigi habarlandy.
Sonymen qatar 18 jasqa tolmaǵan balalar men 65 jastan asqan adamdarǵa vaktsınanyń tıimdiligi men qaýipsizdigi týraly málimet joq, sondyqtan bul jastaǵylarǵa ekpe salynbaıdy. Al Úkimet otyrysynda Prezıdent Qasym-Jomart Toqaev ákimderge vaktsınatsııa máselesinde dúrbeleńge jol bermeýdi tapsyrdy.