QazCOVID-in vaktsınasy koronavırýstyń jańa shtamyna tótep bere ala ma
NUR-SULTAN. QazAqparat - Inaktıvtelgen vaktsınada vırýstyń ishindegi búkil aqýyzdardyń spektorlary saqtalǵan. Bul týraly Ortalyq kommýnıkatsııalar qyzmetinde ótken «Qazcovid-in qazaqstandyq vaktsınasy týraly» brıfıngide aıtyldy, dep habarlaıdy qazAqparat tilshisi.
«Buǵan deıin mamandar «Spýtnık V» vaktsınasynyń koronavırýstyń jańa shtamyna tótep bere alatynyn aıtty. Al otandyq vaktsına buǵan qanshalyqty qaýqarly?», - degen tilshi suraǵyna Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa jaýap berdi.
«Inaktıvtelgen vaktsınada vırýstyń ishindegi búkil aqýyzdardyń spektorlary saqtalǵan. Sondyqtan qandaı mýtatsııa kezdesse de bizdiń vaktsınadan paıda bolatyn ımmýnıtet búkil mýtatsııalanǵan shtamdarǵa qarsy tótep bere alady», - dedi ol.
Eske sala ketsek, buǵan deıin QazCOVID-in vaktsınasynyń qaýipsizdigi tolyq dáleldengeni týraly habarlanǵan bolatyn.