QazCOVID-in vaktsınasy qalaı ázirlendi

NUR-SULTAN. QazAqparat - QazCOVID-in vaktsınasynyń qaýipsizdigi tolyq dáleldendi. Bul týraly Ortalyq kommýnıkatsııalar qyzmetinde ótken «Qazcovid-in qazaqstandyq vaktsınasy týraly» brıfıngide aıtyldy, dep habarlaıdy qazAqparat tilshisi.

«Qazcovid-in vaktsınasy qazirgi ýaqytta qandaı satyda? Bul vaktsına halyqaralyq erejelerge sáıkes birneshe satydan ótedi. Eń aldymen patologııalyq materıaldan tiri vırýstyń ózi bólinip alynady. Patologııalyq materıaldy 2020 jyly 23 naýryzda Almatyda koronavırýspen aýyrǵan adamdardan bólip aldyq. Odan keıin patologııalyq materıaldan tiri vırýsty bólip aldyq. Ony qaıta ósirip, sońynda taza vırýstyń ózin bólip aldyq. Kelesi satyda odan vaktsına jasaý tehnologııasyn retteýge kiristik. Vatsınany 2020 jyly 15 mamyrda jasap, resmı túrde tirkedik», - deıdi Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa.

Onyń aıtýynsha, kelesi saty – klınıkaǵa deıingi zertteý jumystary boldy.

«Klınıkaǵa deıingi zertteýler arnaıy sertıfıkattary bar zerthanada júrgizildi. Biz janýarlardyń birneshe túrine zertteý jumysyn júrgizdik. Qazcovid-in vaktsınasynyń qaýipsizdigi tolyq dáleldendi», - dep atap ótti ol.