QazCovid-in vaktsınasy: 15 sáýirde klınıkalyq zertteýdiń úshinshi satysy 50 paıyzǵa aıaqtalady
QORDAI. QazAqparat – 15 sáýirde QazCovid-in vaktsınasy klınıkalyq zertteýiniń úshinshi satysy 50 paıyzǵa aıaqtalady. Bul týraly Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarııa aıtty, dep habarlaıdy QazAqparat tilshisi.
«Kez kelgen vaktsınanyń medıtsınalyq maqsatta qoldanýǵa jiberý úshin tekserýdiń birneshe kezeńi ótýi tıis. Birinshi kezekte, bul - janýarlarǵa klınıkaǵa deıinge zertteýler, klınıkalyq zertteýlerdiń birneshe satysy. QazCovid-in vaktsınasy klınıkalyq zertteýdiń birinshi satysyn 100 paıyz tıimilikpen sátti óti. Klınıkalyq zertteýdiń ekinshi satysynyń tıimdiligi 96 paıyz boldy. 15 sáýirde klınıkalyq zertteýdiń úshinshi satysy 50 paıyzǵa aıaqtalady jáne sodan keıin osy kezeńde vaktsına qandaı tıimdilik kórsetkenin habarlaı alamyz», - dedi Kúnsulý Zakarııa Jambyl oblysyndaǵy Bıologııalyq qaýipsizdik problemalary ǵylymı-zertteý ınstıtýtynyń alańynda uıymdastyrylǵan baspasóz týry barysynda.
Sonymen qatar ǵalym «tolyq aıaqtalmaǵan kúıdegi vaktsınany qoldanýǵa bola ma?» degen saýalǵa jaýap berdi.
«Pandemııaǵa baılanysty kúrdeli jaǵdaıdy jáne vaktsınanyń asa qajettigi eskerile otyryp, álemniń kóptegen elinde ortaq ádis qabyldanǵan. Vaktsına óndiretin elderdiń 100 paıyzy berlik ony klınıkalyq zertteýdiń ekinshi satysy aıaqtalǵannan keıin nemese úshinshi satysy 50 paıyzǵa oryndalǵan soń medıtsınalyq qoldanýdy bastaıdy. Ýaqyt kútpeıdi. Sondyqtan klınıkalyq snaqtyń úshinshi satysynyń 50 paıyzy qanaǵattanarlyq nátıe beretin bolsa, onda elimizdiń Densaýlyq saqtaý mınıstrligi ony medıtsınalyq qoldanýǵa ruqsat beredi», - dedi ınstıtýt bas dırektory.
Eske salsaq, COVID-19-ǵa qarsy qazaqstandyq vaktsına synaǵynyń ІІІ kezeńi ótýde.«QazCovid-in vaktsınasy qazirgi ýaqytta Bıologııalyq qaýipsizdik problemalary ǵylymı-zertteý ınstıtýtynda óndirilip jatqany týraly habarlaǵan bolatynbyz.
Synaqtan ótip jatqan qazaqstandyq vaktsınanyń nátıjesi sáýir aıynda shyǵady.
Sonymen qatar, qazaqstandyq vaktsınanyń artyqshylyqtary týraly da aıttyq. Sondaı-aq, qazaqstandyq vaktsınaǵa qatysty qatar qoldanylyp júrgen QazCovid-in nemese QazVac ataýlaryna túsinik berildi.
