«QazCovid-in», «Spýtnık V», AstraZeneca: Qazaqstan koronavırýsqa qarsy qaı vaktsınany qoldanýy múmkin
Іndet taralǵan sátten beri álemniń 100-den astam eliniń ǵalymdary tosynnan kelgen aýrýǵa tosqaýyl bolarlyq vaktsına ázirleý isine belsene kirisip ketkeni de belgili. Alǵashqy nátıjeleri de bar. Biraq, ol nátıjelerdiń koronavırýstyń aldyn alýǵa qaýqarly ekendigin aıtýǵa áli erte. Máselen, kórshi Reseı eliniń ǵalymdary «Spýtnık V» vaktsınasyn qazirgi ýaqytta 35 myńnan astam máskeýlik saldyrtýǵa ótinim bergeni belgili. Qazaqstan Úkimeti reseılik tarappen dál osy vaktsına óziniń tıimdiligin, qaýipsizdigin kórsetse, satyp alýǵa nıetti ekendigin bildirip, aldyn ala kelisimge qol da qoıǵan bolatyn.
Degenmen, birinshi komponenti birden, ekinshisi - 21 kúnnen keıin salynatyn reseılik vaktsınanyń qaýipsizdigine kúmán keltirip jatqandar da barshylyq. Osyǵan oraı búgin Ortalyq kommýnıkatsııalar qyzmetindegi baspasóz máslıhatynda qatysqan elimizdiń Densaýlyq saqtaý mınıstri Alekseı Tsoıǵa BAQ ókilderi reseılik vaktsınaǵa qatysty túsinikteme berýin suraǵan edi.
«Biz kóptegen óndirýshimen, onyń ishinde reseılik te óndirýshilermen kelissóz júrgizip jatyrmyz. Qazaqstan vaktsınany jalpy qoldanýǵa resmı tirkelgen jaǵdaıda ǵana paıdalanýǵa ruqsat beretindigin túsingenimiz jón. ıAǵnı, atalǵan vaktsınanyń tıimdiligi, qaýipsizdigi tekserilýi tıis. Sondyqtan da bizde qoldaylatyn kez kelgen vaktsına osy protsedýralardyń barlyǵynan ótýi kerek. Vaktsına klınıkalyq synaqtyń sońǵy satysynan ótýi qajet. Osyǵan oraı janama áseri nemese tıimdiligi dáleldenbegen kez kelgen vaktsına Qazaqstan aýmaǵyna kirgizilmeıdi», - dep sendiredi Densaýlyq saqtaý mınıstri.
Kúni keshe 1 jáne 2 kezeńde synaqtan sátti ótýine baılanysty naryqqa alǵashqylardyń biri bolyp qoldanysqa shyǵady-aý degen úmitti oıatqan brıtandyq Oksford ýnıversıteti men AstraZeneca jasaǵan koronavırýsqa qarsy vaktsınanyń sońǵy klınıkalyq synaqtary toqtatyldy. Buǵan vaktsınanyń Ulybrıtanııadaǵy qatysýshylarynyń birine keri áser berýi túrtki bolǵan edi. Alaıda sol kúni Úkimet otyrysynda barysynda Alekseı Tsoı atalǵan kompanııanyń vaktsınasyn satyp alý týraly kelissózder júrgizilip jatqandyǵyn aıtyp qalǵan-dy. Sondyqtan joǵaryda atalǵan baspasóz máslıhatynda AstraZeneca vaktsınasyna qatysty paıymymen bólisýine týra keldi.
«Kez kelgen vaktsına nemese kez kelgen dári-dármek klınıkalyq synaq barysynda belgili bir protsedýradan ótedi. Oksfordtyq vaktsınaǵa boıynsha janama áserleriniń bolý múmkindigine qatysty másele kóterildi. Degenmen, komıssııa jınalyp qarap, sodan keıin oryn alýy múmkin áserdiń nátıjesi jarııa etiledi. Biz mundaı resmı derekózinen keletin árbir jaǵdaıdy jiti baqylaýda ustap otyrmyz», - dedi Alekseı Tsoı.
Elimizdiń ǵalymdary da koronavırýs ınfektsııasyna qarsy «QazCovid-in» vaktsınasyn ázirlep, osy aıdyń ishinde 244 eriktegi klınıkalyq synaq ótkizýdi josparlap otyrǵany belgili. Bul vaktsınany da Densaýlyq saqtaý mınıstrligi jiti nazarda ustap otyr.
«Qazaqstandyq vaktsına qazir synaqtyń 1-2 fazasyna kóship jatyr. Qazirgi ýaqytta olar kelisim alý satysynda. Biz oǵan úlken úmit artyp otyrmyz. Klınıkalyq zertteý kezeńderi ótkennen keıin klınıkaǵa deıingi synaq kezindegi turaqty tıimdiligin kóretin bolsaq, onda bul vaktsına barlyq synaqtardan ótken soń Qazaqstanda tirkelip, naryqqa jiberiledi. Sondyqtan bul jumystardyń barlyǵyn tyńǵylyqty júrgizip jatyrmyz. Ár vaktsınaǵa barynsha jiti qaraımyz. Sarapshylarymyz bul máselemen aınalysyp jatyr», - dedi ol.
