Qazcovid-in – álem boıynsha synaqtyń 3 fazasyna jetken 14 vaktsınanyń biri
NUR-SULTAN. QazAqparat – Dúnıejúzilik densaýlyq saqtaý uıymynyń tizimindegi á,ú vaktsınanyń ishinde qazaqstandyq vaktsına 14 bolyp tur, dep habarlaıdy QazAqparat.
Búginge deıin álemde 268 kandıdat vaktsına tirkelgenimen, sonyń kóbi synaqtyń 3 fazasyna deıin jetpegen. Bul týraly Bilim jáne ǵylym mınıstriniń orynbasary Erkin Dáýitbaev aıtty.
«Klınıkaǵa deıingi synaqtardan sátti ótkennen keıin onyń nátıjeleri Densaýlyq saqtaý mınıstrligine qarasty dárilik zattar men buıymdardy saraptaý ortalyǵyna berildi. Ol jerde biz jasaǵan vaktsına taǵy synaqtan ótti. Ortalyq ózi iriktep alǵan janýarlarǵa egildi. Tipti janýarlarǵa arnalǵan dozasyn 10 ese arttyryp egip kórdi. Osy arqyly onyń qanshalyqty qaýipsiz jáne tıimdi ekeni tekserildi. Nátıjesinde bizdiń ınstıýtqa DSM klınıkalyq synaq júrgizýge ruqsat berdi», - deıdi veodmstvo ókili.
Onyń aıtýynsha, qazaqstandyq vaktsına álemdegi júzdegen vaktsınanyń ishinde synaqtyń 3 fazasyna ótken sanaýly preparattyń qataryna enip otyr.
«Synaqtyń ekinshi fazasy byltyr qyrkúıekte bastalyp, 244 eriktige salý arqyly bastaldy. Bul rekordtyq merzim bolǵanyn aıtqym keledi. Dúnıejúzilik densaýlyq saqtaý uıymynyń tizimindegi basqa kandıdat vaktsınalarmen salystyryp qarasaq, 1 jáne 2 fazanyń, 2 jáne 3 fazanyń arasynda rekordtyq rekordtyq merzim qysqa bolǵan. DDU-nyń tiziminde álem boıynsha 268 kandıdat bar desek, bizdiń Qazcovid-in 3 fazaǵa deıin jetti 14 shi bolyp otyr. Bul jumystyń úlken nátıjesi deýge bolady», - dedi Erkin Dáýitbaev.
