«QazBioPharm» bıofarmatsevtıkalyq holdıngi qurylady

NUR-SULTAN. QazAqparat - Memleket basshysynyń eldiń bıologııalyq qaýipsizdigin qamtamasyz etý jónindegi júıeli sharalarǵa qatysty tapsyrmasyn oryndaý sheńberinde «QazBioPharm» bıofarmatsevtıkalyq holdıngi qurylatyn boldy, dep habarlaıdy COVID-19 taralýyna jol bermeý jónindegi VAK baspasóz qyzmeti.

VAK málimetinshe, Memleket basshysynyń eldiń bıologııalyq qaýipsizdigin qamtamasyz etý jónindegi júıeli sharalarǵa qatysty tapsyrmasyn oryndaý sheńberinde mynadaı sharalar qabyldandy:

«QazBioPharm» Ulttyq holdıngi» aktsıonerlik qoǵamyn qurý máseleleri týraly» QR Úkimetiniń qaýlysy qabyldandy;

- «QazBioPharm» Ulttyq holdıngi» AQ-nyń «Azamattarǵa arnalǵan úkimet» KEAQ-da memlekettik tirkeýi ótkizildi;

- «QazBioPharm» Ulttyq holdıngi» AQ-nyń QNRDA-da jarııalanǵan aktsııalarynyń shyǵarylýyna memlekettik tirkeý júrgizildi;

- Holdıngtiń qyzmetin qamtamasyz etý úshin 2022 jylǵa respýblıkalyq bıýdjetten 380 mln teńge somasynda qarajat bólindi.