«Qazar Air» kompanııasy Atyraý-Aqtóbe reısin keıinge qaldyrdy
ATYRAÝ. QazAqparat - Jeksenbide «Qazar Air» kompanııasy esh túsinikteme bermesten Atyraý-Aqtóbe reısin keıinge qaldyrdy, dep habarlaıdy agenttik tilshisi.
«Bizdiń №396 reıs jeksenbi Atyraýdan saǵat 18:25-te ushyp shyǵýy kerek bolatyn. Biz tirkelýge keldik. Ushaqtyń qonýyn kútip otyrǵanda keri ushý bir saǵat 15 mınýtqa keshiktiriletindigi habarlandy. Keıin kompanııa ókili kelip reıs taǵy bir saǵatqa keshigetinin málim etti. Jolaýshylar kidiris sebebin suraǵanda kompanııa ókili: «ekıpaj demalyp jatyr», dep túsindirdi. Osymen bizdiń kompanııa ókilderimen baılanysymyz aıaqtaldy.
Aqtóbe tranzıttik áýejaı jolaýshylarynyń aıǵaı-shýynan keıin reıs shegerilgendigi habarlandy. Sonymen qatar biz dúısenbi kúni tańǵy 6-da ushatyndyǵymyz belgili boldy. Atyraý qalasynyń turǵyndaryna úılerine qaıtýy suralyp, al tranzıttik jolaýshylar qonaq úıge ornalastyryldy. Adamdardyń bir toby oaǵn kelisse, qalǵandary ushýdan bas tartty. Men sekildi jolaýshylar dúısenbi keshke reıstik ushaqpen ketýge sheshim qabyldady. Óıtkeni tańǵy 6-da ushatyndyǵymyzǵa senim joq», - dep málim etti Aqtóbege kete almaǵandardyń biri Anna Vahıtova.
Biz oqıǵanyń qalaı órbıtinin dúısenbi nazarda ustaıtyn bolamyz.
