QazaqTV telearnasynyń ataýy Jibek Joly bolyp ózgerdi
Telearnanyń ataýy ǵana emes, habar taratý kestesi de ózgerdi. Endigi ýaqytta «Jibek Joly» telearnasyn teledıdar pýltiniń 7 sanyn basý arqyly kórýge bolady.
Buǵan deıin Kazakh TV el aýmaǵynda kórsetilýge mindetti telearnalar tizimine engeni týraly habarlaǵan edik.
Buıryqqa sáıkes, endi mindetti teleradıoarnalardyń tizimi mynadaı:
1. «QAZAQSTAN»
2. «Habar»
3. «Habar 24»
4. «BALAPAN»
5. «ABAI TV»
6. «QAZSPORT»
7. «Kazakh TV»
8. «MIR»
9. «Astana»
10. «Almaty»
11. «Evrazııa birinshi arnasy»
12. «KTK»
13. «31 arna»
14. «Jetinshi arna»
15. «El arna»
Kazakh TV arnasy Qazaqstannyń barlyq aımaqtarynda habar tarata bastaıdy. Respýblıkadan tys jerde habar taratý álemniń 120-dan astam elinde jalǵasady.
Kazakh TV – Qazaqstan Respýblıkasynyń tuńǵysh ulttyq spýtnıktik telearnasy. Qazirgi ýaqytta ol «Qazaqstan Respýblıkasy Prezıdentiniń Teleradıokesheni» KEAQ qurylymyna kiredi.
Arna mazmuny – 100% otandyq ónim. Jalpy aýdıtorııasy – 300 mıllıonnan astam kórermen. Telearnanyń baǵdarlamalary birneshe taqyryptyq baǵytta usynylady jáne Qazaqstannyń mádenıeti, dástúri, tarıhy, týrızmi men ınvestıtsııalyq múmkindikteri syndy salalardy qamtıdy.
