Qazaqstannyn' MMA s'eberleri A'lem c'empi'onatynda baq synai'dy
12-19 qaras'a aralyg'ynda o'tetin c'empi'onat qatysy's'y elderdin' sany boi'yns'a rekordtyq ko'rsetkis'ke i'e. Og'an 14 salmaq da'rejesinde a'lem c'empi'ony atag'y u's'in 51 elden 252 sports'y baq synai'dy, dep habarlai'dy «QazAqparat» HAA tils'isi.
Qazaqstan namysyn a'lem c'empi'onatynda ulttyq quramasynynyn' 15 sports'ysy qorg'ai'dy. Onda Qazaqstannyn' atynan alg'as' ret a'i'elder di'vi'zi'onynda 52,2 kg dei'in salmaqta Azi'a vi'se-c'empi'ony almatylyq Ai'an Tursyn ja'ne 56,7 kg dei'in salmaqta Taldyqorg'an sports'ysy Gu'lmi'ra Nug'manova qatysady.
Erler arasynda 56,7 kelige dei'ingi salmaqta Ernaz Musabek (Astana) ja'ne Dastan Jaqypbek (Almaty oblysy), 61,2 kelige dei'ingi salmaqta Dini'slam Jetpisov (Qarag'andy), Oljas Moldag'ali'ev (Atyray'), 65,8 kelige dei'ingi salmaqta Qazaqstan c'empi'ony Merei' Jubanov (Qarag'andy) ja'ne Azi'a c'empi'onatynyn' ku'mis ju'ldegeri Bekzat Jasi'a (OQO) qorg'ai'dy. Al 70,3 kelidegi salmaqta Azi'a c'empi'onatynyn' ku'mis ju'ldegeri Nei'mat Asadov (Qarag'andy) ja'ne Darhan Jumabai' (Aqmola oblysy),77,1 kelige dei'in Azi'a c'empi'ony Jan Kenjebaev (Almaty) ja'ne Qazaqstan c'empi'onatynyn' qola ju'ldegeri Mahi'r Ali'ev (Astana) s'ars'y alan'g'a s'yg'ady. 83,9 kelilik MMA s'eberleri arasynda Qazaqstannyn' atynan Azi'a c'empi'onatynyn' qola ju'ldegeri Mei'rambek Demey'baev (Astana) ja'ne Qazaqstan c'empi'onatynyn' qola ju'ldegeri Ma'di' Dosmuhametov (Almaty oblysy) barsa, 93 kelige dei'in Azi'a ja'ne Ey'ropa c'empi'onattarynyn' qola ju'ldegeri Qudai'bergen To'ley'baev (Qarag'andy) s'yg'ady.
A'lem c'empi'onaty IMMAF halyqaralyq MMA federasi'asy ui'ymdastyry'men aralas jekpe-jek aptalyg'y ai'asynda o'tip, son'ynda «Brave» halyqaralyq ka'sibi' ty'rni'r o'tedi.