Qazaqstandyqtar 20 mınýtta mekenjaı boıynsha onlaın tirkele alady
Endi onlaın-tirkeý úshin azamattarǵa 20 mınýt jetkilikti. Sondaı-aq Qazaqstan Respýblıkasynyń Salyq kodeksine engizilgen ózgeristerge sáıkes, bıyl qańtar aıynan bastap tirkeý úshin memlekettik baj alynbaıdy.
Eske sala keteıik, buryn Elektrondyq úkimet portaly arqyly tirkelgende 10 % AEK kóleminde memlekettik baj tóleý kerek bolatyn. Sosyn «Azamattarǵa arnalǵan úkimet» memlekettik korporasıasynyń front-ofısine kelip, jeke kýálik chıpine tirkeý týraly derekter jazbasyn engizý úshin kóshi-qon qyzmetkerine júginýi qajet edi. Al bıylǵy naýryz aıynan bastap portal arqyly turǵylyqty jeri boıynsha tirkelý rásimi aıtarlyqtaı jeńildetildi.
Endi jyljymaıtyn múlik ıesi jáne tirkeletin azamat egov.kz portalynda tirkelgennen keıin, tirkelýshi ótinish berip, ony menshik ıesi óziniń elektrondyq sıfrlyq qoltańbasymen (ESQ) rastaýy tıis.
Ótinish berilgennen keıin derekter shamamen 10 mınýtta óńdeledi, sodan keıin tirkelgen mekenjaı boıynsha anyqtama alýǵa tapsyrys berýge bolady.
Bul qyzmetke ESQ-sy bar kez kelgen azamat Qazaqstannyń barlyq aımaqtarynda qol jetkize alady.
