Qazaqstandaǵy sıfrlandyrý Kanada jáne Avstralıa deńgeıinde
Onyń sózine qaraǵanda, Germanıadan kelgen seriktester kómegimen Qazaqstan iri otandyq kompanıalardy tórtinshi ónerkásiptik revolıýtsıaǵa daıarlap jatyr.
«Bul jumysty bastar aldynda elimizde iske qosylǵan kompanıalarǵa sholý jasadyq. Osy oraıda olardyń deńgeıine taldaý júrgizildi. Bizdegi kompanıalardyń damý deńgeıi tolyq sıfrlandyrýdan aıtarlyqtaı qalys kele jatyr. Degenmen de osyndaı jaǵdaı basqa da elderde baıqalýda. Bul baǵytta ilgeri kele jatqan Germanıanyń ózinde kompanıalardyń tek 10 paıyzy ǵana Indýstrıa 4.0 deńgeıine saı keledi», - dedi ol.
Halyqaralyq sarapshylardyń taldaýyna súıene otyryp, Qazaqstandaǵy ónerkásiptik kompanıalarda sıfrlandyrý deńgeıin Kanadamen jáne Avstralıamen salystyrýǵa bolady.
«Halyqaralyq sarapshylardyń qorytyndysyna súıensek, Kanada men Avstralıa Indýstrıa 2.0 deńgeıinde tur. Bul kórsetkish Qazaqstanmen shamalas. Qazirgi kezde Qazaqstan kompanıalaryna óziniń básekege qabilettiligin arttyrýǵa múmkindik beretin sharalardy pysyqtaýdamyz», -dep túıdi M. Ydyrysov.