«QAZAQSTAN» ulttyq telearnasynda «Senbilik shoý» jańa jobasy kóreremenderge jol tartty
ASTANA. QazAqparat - Senbi, 23 qyrkúıekte saǵat 20:35-te «QAZAQSTAN» ulttyq telearnasynda «Senbilik shoý» jańa keshkilik oıyn-saýyq jobasy bastalady, dep habarlaıdy telearnanyń baspasóz qyzmeti.
Atalmysh jobanyń júrgizýshileri, tanymal ázilqoılar: Qaırat Ádilgereı, Nurlan Qoıanbaev, Oljas Sydyqbek jáne saıasattanýshy, pýblıtsıst - Aıdos Sarym.
Ár shyǵarylymda ótken aptadaǵy eń tanymal jańalyqtar men qyzyqty faktiler erekshe formatta talqylanatyn bolady. Baǵdarlama barysynda qoǵamda úlken qyzý talqyǵa túsken áleýmettik jelilerdegi vıdeoúzindiler men jazbalar usynylady. Joba avtorlary kórermenderge qazaqstandyq teledıdardaǵy aqparattyq-oıyn-saýyq baǵdarlamasynyń múldem jańa formatyn ýáde etti.
«23 qyrkúıek kúni saǵat 20:35-te «QAZAQSTAN» ulttyq telearnasynan «Senbilik shoý» - keshkilik oıyn-saýyq jobasyn tamashalańyzdar»,- dep atap ótilgen habarlamada.
