«Qazaqstan» ulttyq telearnasy kúzgi maýsymnyń jobalaryn usyna bastady
Bul - álemniń 100 elinde kórsetilgen áıgili «The Voice» teleshoýynyń qazaqstandyq nusqasy. Jobanyń basty ereksheligi - qatysýshylar tek vokaldyq qabiletterine qaraı tańdalady.
Bıylǵy jańa maýsymda jobada baq synaýǵa www.qazaqstan.tv resmı saıty men aımaqtaǵy irikteýler arqyly 6000 adam ótinim berdi. Olardyń arasynan alǵashqy kezeńge 100-den astam qatysýshy shaqyrtý aldy.
«Qazaqstan daýysynda» tálimgerlerlik etetin 4 ánshiniń esimi de belgili boldy. Olar - Parıjdegi «Grand Operada» Qazaqstan atynan shyqqan alǵashqy jáne jalǵyz solıst Maıra Muhamedqyzy, qazaqstandyq ánshi, tanymal «MýzART» tobynyń múshesi Sáken Maıǵazıev, estrada ánshisi, kompozıtor, halyqaralyq án fıstıvalderiniń júldegeri Marjan Arapbaeva jáne «Ninety One» tobynyń múshesi Batyrhan Malıkov (ALEM). Qazirdiń ózinde kóremender bul tórttikti «eń úzdik quram» dep jarııalap jatyr.
Joba 4 kezeń boıynsha ótedi: «Kórmeı tyńdaý», «Jekpe-jek», «Jarǵa jyǵý», tikeleı efırdegi saıystar jáne fınal. «Kórmeı tyńdaý» kezeńinde ár tálimger 16 qatysýshydan quralǵan top qurady. Al fınalǵa solardyń ishinen tek tórteýi ǵana ótedi. Joba jeńimpazy tálimgerlermen birge, halyqtyń daýys berýi arqyly jyl sońynda anyqtalady.
«Qazaqstan daýysy» vokaldy televızııalyq shoýy «Qazaqstan» telearnasynda 4 qyrkúıekten bastap senbi kúnderi 20:40-ta efırge shyǵady.
Atap óter jaıt, «Qazaqstan» telearnasynyń Kórkemdik keńesi bıylǵy maýsymda irikteýden ótpegen úzdik úmitkerler kelesi maýsymǵa shaqyrtý alatyny jóninde sheshim qabyldady.
