«QAZAQSTAN» ulttyq arnasynda Elbasy týraly jańa derekti fılm kórsetiledi
QR Tuńǵysh Prezıdenti Nursultan Nazarbaevtyń memleketti basqarǵanyna bıyl - 30 jyl. Derekti fılmge Elbasynyń táýelsiz eldi qurýdyń ár kezeńderindegi seriktesteri men úzeńgilesteriniń estelikteri arqaý boldy.
«Olardyń qatarynda QR Prezıdenti Ákimshiliginiń basshysy Q.Kósherbaev, «Samuryq-Qazyna» Ulttyq ál-aýqat qory» AQ Basqarma tóraǵasy A.Esimov, QR Eńbek jáne halyqty áleýmettik qorǵaý mınıstri B.Saparbaev, QR Aqparat jáne qoǵamdyq damý mınıstri D.Abaev, «Nur Otan» partııasy Tóraǵasynyń birinshi orynbasary B.Baıbek, Qazaqstan halqy Assambleıasy Tóraǵasynyń orynbasary J.Túımebaev, QR Parlamenti Senatynyń halyqaralyq qatynastar, qorǵanys jáne qaýipsizdik komıtetiniń tóraǵasy M.Qul-Muhammed bar» delingen habarlamada.
Spıkerler N.Nazarbaevtyń tulǵa retindegi saıası bolmysy men adamı qadir-qasıetteri týraly buryn eshqaıda aıtylmaǵan aqparattarmen bólisedi.
«Elbasy» jańa derekti fılmi 6 shilde saǵat 20:25-te «QAZAQSTAN» ulttyq arnasynan kórsetiledi.
